تاقىرىبى: «ۇستاز - مەكتەپتىڭ جۇرەگى»
ساباقتىڭ ماقساتى: ۇستازدار كۇنىندە وقۋشىلارعا ۇستازدىقتىڭ قيىن دا قاجىرلى ەڭبەك ەكەنىن ءبىلدىرىپ، ارداقتى دا اياۋلى ۇستازدارىن قۇرمەتتەۋگە، ەڭبەكتەرىن باعالاۋعا، ادامگەرشىلىككە تاربيەلەۋ.
كورنەكىلىگى: ساحنا مەرەكەلىك كەشكە ارناپ بەزەندىرىلەدى. ماقال - ماتەل، ناقىل سوزدەر جازىلعان پلاكاتتار ىلىنەدى.

كىرىسپە: مەكتەپتىڭ باستى تۇلعاسى، جۇرەگى ءمۇعالىم (ۇستاز). ۇستاز ءار قاشاندا ءقادىرلى، قاسيەتتى ۇعىمدى بىلدىرگەن.
ۇستاز دەگەن ارداقتى، كيەلى، ۇلكەن قۇرمەتپەن ايتىلاتىن ءسوز، ول ءار ادامنىڭ جۇرەگىندە ىزگىلىك ساۋلەسى بولسا، ول ءمۇعالىمنىڭ ەڭبەگى. ول ءار بالانى جاتسىنباي جاستايىنان باۋراپ، ساۋاتىن اشاتىن، ونەگە ۇيرەتىپ، تاربيە بەرەتىن، ءبىلىم كەمەسىنە وتىرعىزىپ، بولاشاققا جول كورسەتەتىن، اناڭداي الپەشتەپ، ماڭدايىڭنان سيپايتىن ادام. ۇستاز ەڭبەگى – ۇلى ەڭبەك.

1 - جۇرگىزۋشى: ارمىسىزدار، ارداقتى ۇستازدار! بۇگىن - مۇعالىمدەر كۇنى.
بارشامىزدىڭ ساۋاتىمىزدى اشىپ، ءبىلىم نارىمەن سۋسىنداتىپ، ومىرگە قانات قاقتىرعان ۇلاعاتتى ۇستازدار، مەرەكەلەرىڭىز قۇتتى بولسىن! «ۇستاز - مەكتەپتىڭ جۇرەگى» اتتى اشىق تاربيە ساعاتىمىزدى اشىق دەپ جاريالايمىز!
2 - جۇرگىزۋشى: عىلىم يەسى عالىم دا، ەل قورعاعان باتىر دا، تىلىنەن بال تامعان اقىن دا، تەگەۋرىنى تەمىر بالقىتقان جۇمىسشى دا، ەگىن سالىپ، مال باعىپ، تەرىن توككەن شارۋا دا، كوكتى شارلاعان عارىشكەر دە، ءبارى - ءبارى ۇستازدان ءبىلىم ۇيرەنىپ، ءتالىم العان.
ۇلاعاتتى ۇستازدار! سىزدەرگە بۇكىل ادام بالاسى باس يەدى.

1 - وقۋشى: ۇستاز دەگەن ۇلاعاتتىڭ شايىرى،
ءقادىرىنىڭ تيەتۇعىن قايىرى.
ۇستاز دەگەن – شۋاعى مول شاپاعات
شارشامايتىن شالدىقپايتىن ءتايىرى.
2 - وقۋشى ۇستاز دەگەن - ۇستاز بولىپ تۋعاندار،
ۇلىلىقتى ۇلىقتاعان يماندار
ۇرپاعىنىڭ ەرتەڭىنە جول اشىپ
ءومىرىنىڭ ءار شاقتارىن قۇرعاندار.
3 - وقۋشى: ۇستاز دەگەن – جارىق كۇنى عالامنىڭ
ۇستاز دەگەن – اناسى ول ادامنىڭ
بۇكىل الەم مويىندايتىن ەڭبەگىن
سەن دە ودان ءبىلىم نارىمەن سۋسىندادىڭ.
ءان: «ۇستازىما»

ماڭعىستاۋ وبلىسى، مۇنايلى اۋدانى،
№7 ورتا مەكتەبىنىڭ باستاۋىش سىنىپ ءمۇعالىمى
قازتۇرعانوۆا مەيرامگۇل

تولىق نۇسقاسىن جۇكتەۋ