ۇستاز - مەكتەپتىڭ جۇرەگى

ۇستاز - مەكتەپتىڭ جۇرەگى
1 - جۇرگ.
بۇگىن بىزدە ۇلكەن مەرەكە. بۇگىن ۇستازدار قاۋىمىنىڭ ءتول مەرەكەسى. ولاي بولسا بۇگىنگى كۇن ۇستازدارعا ارنالماق. ۇستاز - ۇلاعاتتى ەسىم. كۇن ساۋلەسى ومىرگە قانداي جارىق بەرسە، ۇستاز ەسىمى دە شاكىرتتەرگە كۇندەي جارىق بەرەدى.
اقىرىن ءجۇرىپ انىق باس.
ەڭبەگىڭ كەتپەس دالاعا
ۇستازدىق ەتكەن جالىقپاس،
ۇيرەتۋدەن بالاعا، – دەپ اباي اتامىز ايتقانداي، شاكىرتتەرىنىڭ وزىنەن وزعانىن كالاعان ۇستازدار قاۋىمى، مەرەكەلەرىڭىز قۇتتى بولسىن!

II جۇرگىزۋشى: دەنساۋلىقتارىڭىز مىقتى بولسىن، شاڭىراقتارىڭىز شاتتىققا تولسىن، بىزدەي شاكىرتتەرىڭىز كوپ بولسىن!
بىرگە: مەرەكەلەرىڭىز قۇتتى بولسىن!
ءان. «شاكىرت تىلەگى»ورىندايتىن:

1 - جۇرگىۋشى: سەن قالاي ويلايسىڭ، باقنۇر؟ مەنىڭ ويىمشا، كەز - كەلگەن ءمۇعالىم ۇستاز بولا المايدى. سەبەبى ۇستازدىق - ونەر، تاعىلىمى تەرەڭ ونەر. ال ونەرلى بولۋ كەز - كەلگەن ادامعا قونا بەرمەيدى. ولاي بولسا، شىن ۇستاز بولۋ ءۇشىن تابيعي دارىن ىزگىلىكتى ىزدەنىس پەن ەرەن ەڭبەككە ۇشتاستىرىلۋى شارت. «شاكىرتسىز ۇستاز تۇل» دەگەن ءسوز تەگىن ايتىلماسا كەرەك.

2 - جۇرگىزۋشى: سىمبات، مەن وسى ءسوزىڭ دالەلدى بولا ءتۇسۋ ءۇشىن مىنا جىر شۋماقتارىن قوسايىن.
ۇستاز بولۋ – جۇرەكتىڭ باتىرلىعى،
ۇستاز بولۋ – سەزىمنىڭ اقىندىعى،
ۇستاز بولۋ – مىنەزدىڭ كۇن شۋاعى،
ازبايتۇعىن ادامنىڭ التىندىعى –
دەپ اقىن عافۋ قايىربەكوۆ اعامىز جىرلاعانداي، ءبىزدىڭ مەكتەبىمىزدە ءسوزى مارجان، ءۇنى ءان ۇستازداردىڭ بار بولعانىن ماقتانىش ەتەمىن. ارينە، ۇستاز جۇگى – اۋىر جۇك. ادامنىڭ جان دۇنيەسىن ءتۇسىنىپ، رەنجىتپەي، قاتەلىگىن سەزدىرە ءبىلۋ – بۇل ناعىز شەبەرلىك ەمەس پە؟!

1 - جۇرگىزۋشى:
ەندەشە، ۇرپاقپەن ءومىر جولى جالعانادى،
كوڭىلدى كۇندەر تۋسىن الدان ءالى
ءان - شاشۋ اسەم اۋەن، ءتۇرلى ونەر،
بۇگىنگى كۇن سىزدەرگە ارنالادى.
ۇستاز تۋرالى ءان سىزدەرگە ارنالادى، اياۋلى ۇستازدار، قابىل الىڭىزدار! (ۆيدەوروليك)
الدارىڭىزدا «ۇستازىم مەنىڭ» انىمەن جالعاسبەك ورالبەك

2 - جۇرگ. كۇللى ءومىرىن جەتكىنشەككە ارناعان
ءمۇعالىمدى ارداقتايدى بارشا جان
ول مەكتەپتەن شىقپاسا دا قىس - جازى،
جەمىسى ونىڭ جەردىڭ ءجۇزىن شارلاعان

1 - جۇرگ. ۇستازدار! قانداي عاجاپ حالىقسىزدار!
شاكىرتكە شىڭداي بيىك الىپسىزدار.
جان بىتكەن جانارىنا نۇر سىيلاعان،
كۇندەي بوپ ك ۇلىمدەگەن جارىقسىزدار.

1 - جۇرگىزۋشى: باقنۇر، ەكەۋمىز ۇستاز تۋرالى قانشا ماقتاۋ ءسوز ايتساق تا تاۋىسا الماسپىز. ەندەشە، قىمباتتى ۇستازدار، شاكىرتتەرىڭىزدىڭ وزدەرىڭىزگە ارنالعان ولەڭ - شۋماقتارىنا كەزەك بەرەلىك.

1 - وقۋشى:
ءار ساباعىڭ ءوتىپ جاتىر بىلىنبەي،
پەرنە باسقان وركەستردىڭ ۇنىندەي
ءار بالانىڭ جۇرەگىنە جول تاۋىپ،
تۇراسىڭ سەن، ديريجەر بوپ ك ۇلىمدەي.

2 - وقۋشى
جالىن اتىپ، وت بوپ، بىرگە جاناسىڭ،
ءبىلىم بەرىپ، سودان باقىت تاباسىڭ
بار ءومىرىڭ ورنەكتەلىپ بالامەن،
جاسارىپ ءبىر ماڭگى جاس بوپ قالاسىڭ.

3 - وقۋشى: ءمۇعالىمدى انامداي جاقسى كورەم،
قينالامىن قىمبات تەڭەۋ تابا الماي
ءوز بالاسىن تاستاپ كەتىپ ۇيىنە،
ەل بالاسىن وقىتادى، وي اللا - اي.
ءمۇعالىمدى جاقسى كورەم سەزىمتال،
ۇلگى ەتەمىن ونەگەلى ءسوزىن بال
ءمۇعالىمنىڭ ءمۇعالىمىن تانيمىن،
كوكىرەكتە كورەتۇعىن كوزىم بار.

4 - وقۋشى: ۇستازدارعا مىڭ العىس
العىستارىم كوپ مەنىڭ،
اسىل انام، مەكتەبىم!
ۇيرەتكەنى ادالدىق،
ۇسىنعانى ادامدىق،
تەكتى مىنەز، دانالىق
بار ۇستازعا تىلەيمىز:
باقىت، تابىس، اماندىق!

5 - وقۋشى:
ءمۇعالىم - ۇستازىسىڭ بالالاردىڭ،
بولاشاق عالىمداردىڭ، دانالاردىڭ
ومىردە سەنىڭ الار ورىنىڭدى
ءبارى دە جەتكىزە الماس باعالاردىڭ

قىزىلوردا وبلىسى، قازالى اۋدانى
قازالى اۋىلى №100 ورتا مەكتەبى
باستاۋىش سىنىپ ءمۇعالىمى
بەرديشەۆا جادىرا مولىبەك قىزى

تولىق نۇسقاسىن جۇكتەۋ