گەوگرافيا ءپانى ءمۇعالىمى قامبار امانتاەۆقا ارناۋ

ۇستازدىڭ جولى - ۇلى جول!

سوزدەردى ناقىشىنا كەلتىرىپ ءبىر،
الەمدى ءبىر پاراقتا تاڭبالاعان.
تاۋلار - تاستار، قالالار، وزەندەر - كول
دوڭگەلەك جۇمىرتقادا سيا قالعان.
***
كورگەن جان ماقتانىپ ايتار اتىن،
ءبىلىمىڭدى ەسەلەپ قايتاراتىن.
شاھاردا ءبىزدىڭ التىن ءبىر ۇستاز بار
اشىماعان ايراندى ۇيىتاتىن.

تۇلپارى الدا جۇرەر الاماندا،
بىلگەنىن جاسىرمايتىن بار ادامعا.
دۇنيە تۇسىنىكتى بوپ كەتەدى،
نۇر شاشقان جانارىمەن قاراعاندا.

ايتىلماعان كوكەيدەگى ويلارى ءالى،
ءشول باسقان سانالاردى قاندىرادى.
بۇگىنگى شوحاندايىن جارىق جۇلدىز
ەرتەڭگى قازاعىمنىڭ – مارعۇلانى!

جاتاتىن بۇكىل الەم تاڭداي قاعىپ،
عىلىم مەن ءبىلىم جولدا ماڭداي الىپ.
ۇستازدار كەرۋەنىن باستاپ تۇرار
تىزگىنىن ۇستاپ الىپ – امانتايەۆ!