قازاقستاندىق ۇستەل تەننيسشىلەرىنىڭ جاڭا بۋىنى الماتىدا 2026 جىلى وتەتىن WTT Youth Contender (ۇستەل تەننيسىنىڭ الەمدىك فەدەراسياسىنىڭ جاسوسپىرىمدەر تۋرنيرلەر سەرياسى) بەدەلدى حالىقارالىق جاستار ءتۋرنيرىن جاۋلاۋعا دايىندالۋدا. قۇرامعا ءىرى الەمدىك جارىستاردا جەڭىسكە جەتىپ، جۇلدەلى ورىندار العان، تاجىريبەسى مول تالانتتى ويىنشىلار ەندى، دەپ حابارلايدى infohub.kz.
ەرلەر قۇراماسى
قۇرمانعالييەۆ الان — حالىقارالىق دارەجەدەگى سپورت شەبەرى، ارالاس جۇپتاعى جاستار اراسىنداعى الەم چەمپيونى، جاستار اراسىنداعى ازيا چەمپيوناتىنىڭ قولا جۇلدەگەرى. 2019 جىلى حالىقارالىق ۇستەل تەننيسى فەدەراسياسى (ITTF) ونى «Hopes Week & Challenge» الەمدىك ءتۋرنيرىنىڭ ۇزدىك ويىنشىسى دەپ تانىدى.
جۇماعۇل اباي — WTT سەرياسىنداعى حالىقارالىق تۋرنيرلەردىڭ جەڭىمپازى: پاناگيۋريشتەگى WTT Youth Contender، الماتىداعى WTT Youth Contender جانە باتۋميدەگى WTT Youth Contender.
ماركين الەكسەي — تاشكەنتتەگى WTT Youth Contender حالىقارالىق ءتۋرنيرىنىڭ قولا جۇلدەگەرى.
ەرالحان دۋلات — الماتىداعى WTT Youth Contender حالىقارالىق ءتۋرنيرىنىڭ كۇمىس جانە قولا جۇلدەگەرى.
ياكوۆليەۆ ولەگ — بەرليندەگى، باتۋميدەگى جانە الماتىداعى WTT Youth Contender تۋرنيرلەرىنىڭ بىرنەشە دۇركىن قولا جۇلدەگەرى.
ازامات ۇلى نۇرداۋلەت — بەيرۋتتاعى WTT Youth Contender حالىقارالىق جاستار ءتۋرنيرىنىڭ جۇلدەگەرى.
ايەلدەر قۇراماسى
فۋ داريا — سپورت شەبەرى، قازاقستان رەسپۋبليكاسىنىڭ ۇزدىك سپورتشىلارى اراسىنداعى توپ-12 جاستار ءتۋرنيرىنىڭ چەمپيونى.
لۋكيانوۆا ماريا — سپورت شەبەرى، دجەززيندەگى جانە باتۋميدەگى WTT Youth Contender تۋرنيرلەرىنىڭ جەڭىمپازى.
بەكمۇحامبەتوۆا جانيا — بولگاريا، يسپانيا، سلوۆەنيا، سلوۆاكيا، حورۆاتيا، يتاليا، ماجارستان، گرۋزيا جانە مىسىرداعى WTT حالىقارالىق جاستار تۋرنيرلەرىنىڭ جەڭىمپازى.
ءالجانوۆا ادەليا — تاشكەنتتەگى WTT Youth Contender حالىقارالىق ءتۋرنيرىنىڭ چەمپيونى.
قازاقستان رەسپۋبليكاسىنىڭ ۇستەل تەننيسى فەدەراسياسىن دانيار ءابىلعازين باسقارادى.