ۇيالامىن دەگەنى كوڭىل ءۇشىن
ۇيالامىن دەگەنى كوڭىل ءۇشىن،
ۇساق قۋلىق ءبىر عانا ءومىر ءۇشىن.
تاتىمدى دوستىق تا جوق، قاستىق تا جوق،
جىگەرى جوق، ماڭىزى جەڭىل ءۇشىن.
جالىعۋ بار، شالقۋ بار، ءىش پىسۋ بار،
جاڭا سۇيگىش ادامزات، كورسە قىزار.
ار مەن ۇيات ويلانباي، ءتان اسىراپ،
ەرتەڭى جوق، بۇگىنگە بولعان قۇمار.
تۋىسقانىڭ، دوستارىڭ — ءبارى ەكىۇشتى،
سول سەبەپتى دوسىڭنان ءدۇشپان كۇشتى.
سۇيسە جالعان، سۇيمەسە ايانباعان،
بۇل نە دەگەن زامانعا ءىسىم ءتۇستى؟!
ءوزىڭ ۇلكەن، قىلىعىڭ — بالا-شاعا،
بالاشا ءماز بوپ ءجۇرسىڭ تاماشاعا.
اكەسى ۇرىسسا بالاعا، ول دا — دوستىق،
بالاسى ۇرىسسا اكەگە، جاراسا ما؟
ۇساق قۋلىق ءبىر عانا ءومىر ءۇشىن.
تاتىمدى دوستىق تا جوق، قاستىق تا جوق،
جىگەرى جوق، ماڭىزى جەڭىل ءۇشىن.
جالىعۋ بار، شالقۋ بار، ءىش پىسۋ بار،
جاڭا سۇيگىش ادامزات، كورسە قىزار.
ار مەن ۇيات ويلانباي، ءتان اسىراپ،
ەرتەڭى جوق، بۇگىنگە بولعان قۇمار.
تۋىسقانىڭ، دوستارىڭ — ءبارى ەكىۇشتى،
سول سەبەپتى دوسىڭنان ءدۇشپان كۇشتى.
سۇيسە جالعان، سۇيمەسە ايانباعان،
بۇل نە دەگەن زامانعا ءىسىم ءتۇستى؟!
ءوزىڭ ۇلكەن، قىلىعىڭ — بالا-شاعا،
بالاشا ءماز بوپ ءجۇرسىڭ تاماشاعا.
اكەسى ۇرىسسا بالاعا، ول دا — دوستىق،
بالاسى ۇرىسسا اكەگە، جاراسا ما؟
You Might Also Like
