ۇيدە جەكە وقىتۋ جوسپارى

جەكە ءبىلىم بەرۋ پروسەسى
ۇيدە جەكە تەگىن وقىتۋ پەداگوگپەن مەكتەپ اكىمشىلىگى بەكىتكەن ۇيدە جەكە وقىتۋ جوسپارى وسى ەرەجەلەرىنىڭ قوسىمشاسىنا سايكەس جانە كەستە بويىنشا اتقارىلادى. مۇمكىندىكتەرى شەكتەۋلى بالالارعا ارنالعان جەكە باعدارلامانى قۇراستىرۋدا پەداگوگ بالانىڭ جەكە ەرەكشەلىكتەرىن جانە مۇمكىندىكتەرىن قولدانا وتىرا ارنايى ءبىلىم ۇيىمدارىنا ارنالعان ارنايى تيپتىك باعدارلامالارعا نەگىزدەلەدى.

بالانىڭ دامۋىنداعى كەمشىلىكتەردى تۇزەۋ ماقساتىندا مىندەتتى تۇردە تۇزەۋ ساباقتارىنا ارنايى ساعاتتار (اپتاسىنا 2 ساعاتتان كەم ەمەس)، ولار ارنايى ماماندارمەن: ءمۇعالىم - لوگوپەدپەن، ءمۇعالىم - پسيحولوگ نەمەسە ءمۇعالىم - دەفەكتولوگپەن جۇرگىزىلەدى.

ساباق كۇندەرى، سانى، وقۋ ساباقتارىنىڭ ۇزاقتىعى مەن رەتتىگى، سونىمەن بىرگە وقۋ اپتاسىنىڭ ۇزاقتىعى وقۋشىنىڭ نەرۆتىك - پسيحولوگيالىق جاعدايى ەسكەرىلە وتىرىپ، ءبىراق باستاۋىش سىنىپ وقۋشىلارى ءۇشىن اپتاسىنا 8 ساعاتتان، نەگىزگى جانە ورتا ءبىلىم بەرۋ دەڭگەيى وقۋشىلارى ءۇشىن اپتاسىنا 10 جانە 12 ساعاتتان كەم ەمەس انىقتالادى.

ۇيدە جەكە تەگىن وقۋداعى بالا ءۇشىن وقۋ جىلىنىڭ باستالۋى جانە اياقتالۋى، كانيكۋلدىڭ ۇزاقتىلىعى جالپى ءبىلىم بەرۋ جانە ارنايى ءبىلىم بەرۋ ۇيىمدارى ءۇشىن بەلگىلەنگەن مەرزىمدەرگە سايكەس.

ۇيدە جەكە تەگىن وقۋداعى بالا ءۇشىن قورىتىندى ەمتيحان وتكىزۋ قاجەتتىلىگى ءبىلىم بەرۋ ۇيىمى ءبىلىم بەرۋدى باسقارۋ ورگاندارىمەن بىرلەسىپ تۇراتىن جەرىندەگى دارىگەرلىك كوميسسيانىڭ تۇجىرىمداماسى نەگىزىندە شەشىلەدى.

جەكە ءبىلىم بەرۋ باعدارلاماسىنان وتكەن بىتىرۋشىگە ءبىلىم دەڭگەيى سايكەستىگى تۋرالى مەملەكەتتىك تۇردە، بالا بەكىتىلگەن ۇيىمنىڭ مورىمەن راستالعان قۇجات بەرىلەدى.
ۇيدە جەكە وقىتۋ جوسپارى جۇكتەۋ