الماتى وبلىسى جامبىل اۋدانىندا، ۇزىناعاش اۋىلىنان شىعا بەرىستە جۇمىس ىستەپ تۇرعان تۇرمىستىق قاتتى قالدىقتار پوليگونىندا ءورت شىقتى. بۇل تۋرالى قازاقستان رەسپۋبليكاسى توتەنشە جاعدايلار مينيسترلىگىنىڭ ءباسپاسوز قىزمەتى حابارلادى، دەپ جازادى infohub.kz سايتى.
ۆەدومستۆونىڭ دەرەگىنشە، وقيعا ورنىندا جەدەل شتابتىڭ جۇمىسى ۇيىمداستىرىلدى. پوليگوننىڭ كەيبىر بولىكتەرىندە قالدىقتاردىڭ جينالۋ تەرەڭدىگى 3–5 مەترگە جەتەتىندىكتەن، ءورتتى ءسوندىرۋ قيىنداپ وتىر.
«وقيعا ورنىندا جەدەل شتابتىڭ جۇمىسى ۇيىمداستىرىلدى. پوليگوننىڭ كەيبىر بولىكتەرىندە قالدىقتاردىڭ جينالۋ تەرەڭدىگى 3-5 مەترگە جەتەدى، بۇل ءسوندىرۋ جۇمىستارىن جۇرگىزۋدى قيىنداتادى. سۋمەن جابدىقتاۋ سۋدى تاسىمالداۋ ارقىلى جۇزەگە اسىرىلادى. ءورتتىڭ تارالۋىن بولدىرماۋ ءۇشىن بۋلدوزەرلەرمەن جانباعان قالدىقتار ورتەنىپ جاتقان ۋچاسكەلەردەن ءبولىنىپ جاتىر. سونىمەن قاتار ءورت وشاقتارىنا سۋ قۇيىلىپ جاتىر»، — دەپ حابارلادى توتەنشە جاعدايلار مينيسترلىگى.
تيەگىشتەر مەن ءوزى اۋدارعىش كولىكتەردىڭ كومەگىمەن قالدىقتاردى جىلجىتۋ جانە ولاردى ينەرتتى ماتەريالدارمەن كومۋ جۇمىستارى جۇرگىزىلىپ جاتىر.
«سوندىرۋگە الماتى وبلىسى تجد-نىڭ، جەرگىلىكتى اتقارۋشى ورگانداردىڭ جانە ق ر تجم 28237 اسكەري ءبولىمىنىڭ 33 ادامى مەن 22 تەحنيكاسى جۇمىلدىرىلدى. ءورت 500 شارشى مەتر اۋماقتا وقشاۋلاندى. تولىق جويۋ جۇمىستارى جالعاسۋدا»، — دەپ حابارلادى تجم.