قازاقستاندا ۆاكسينالاردى ساقتاۋ مەن تاسىمالداۋدى سيفرلىق باقىلاۋ جىل سايىن 500 ملن تەڭگەگە دەيىن ۇنەمدەۋگە مۇمكىندىك بەرەدى. «سۋىق تىزبەكتى» باقىلاۋ جۇيەسىن 2026 جىلدىڭ سوڭىنا دەيىن ەلىمىزدىڭ بارلىق وڭىرىنە تاراتۋ جوسپارلانىپ وتىر، دەپ حابارلادى دەنساۋلىق ساقتاۋ مينيسترلىگى، دەپ جازادى infohub.kz سايتى.
دەنساۋلىق ساقتاۋ ءمينيسترى اقمارال ءالنازاروۆانىڭ ايتۋىنشا، پيلوتتىق جوبا العاش رەت 2025 جىلى قاراعاندى وبلىسىندا سىناقتان ءوتتى. جۇيەنى كەڭەيتۋ «قازاقتەلەكوممەن» بىرلەسىپ جۇرگىزىلۋدە.
«جالپى ۆاكسينا كولەمىنىڭ شامامەن 1،5%-ى جىل سايىن ءب ۇلىنۋ مەن «سۋىق تىزبەكتى» باقىلاۋدىڭ جوقتىعىنان ەسەپتەن شىعارىلادى، بۇل جىلىنا شامامەن 400-450 ميلليون تەڭگەنى قۇرايدى»، — دەدى ءالنازاروۆا پرەمەر-مينيستردىڭ قاتىسۋىمەن وتكەن سيفرلاندىرۋ جونىندەگى كەڭەستە.
جاڭا مەحانيزم ۆاكسينالاردىڭ بارلىق جولىن — قويمالاردى، تاسىمالداۋدى جانە مەديسينالىق ۇيىمداردى قامتۋى ءتيىس. ءبىرىڭعاي جۇيەگە 3،5 مىڭنان استام نىسان مەن 21 مىڭنان استام تەمپەراتۋرالىق باقىلاۋ نۇكتەسىن بىرىكتىرۋ جوسپارلانۋدا.
تاسىمالداۋ كەزىندە تەمپەراتۋرالىق كورسەتكىشتەر جول بويى باقىلانادى، ال ارنايى كولىكتىڭ قوزعالىسى GPS ارقىلى قاداعالانادى. سونىمەن قاتار مەديسينالىق ۇيىمدار توڭازىتقىش جابدىقتارىن جاڭارتۋدى جالعاستىرۋدا.
دەنساۋلىق ساقتاۋ مينيسترلىگى ءبىرىڭعاي سيفرلىق جۇيە ۆاكسينالاردى ساقتاۋ مەن تاسىمالداۋ جاعدايلارىن ناقتى ۋاقىت رەجيمىندە باقىلاۋعا جانە تەمپەراتۋرالىق رەجيمنىڭ بۇزىلۋىنان ەسەپتەن شىعارىلاتىن پرەپاراتتار كولەمىن ازايتۋعا مۇمكىندىك بەرەدى دەپ ۇمىتتەنەدى.
بۇعان دەيىن «كۋرسيۆ» «سۋىق تىزبەكتى» سيفرلىق باقىلاۋ جۇيەسى ەل بويىنشا 800-گە جۋىق ارنايى كولىكتى قامتۋى ءتيىس ەكەنىن جازعان. سونداي-اق دەنساۋلىق ساقتاۋ مينيسترلىگى مەديسينالىق ۇيىمدار ءۇشىن 900-دەن استام توڭازىتقىش، جاڭا توڭازىتقىش كامەرالار مەن مۇزداتقىشتار ساتىپ الۋدى جوسپارلاپ وتىر. باس سانيتارلىق دارىگەر سارحات بەيسەنوۆا جابدىقتاردان الىنعان دەرەكتەر ءبىرىڭعاي سيفرلىق پلاتفورماعا اۆتوماتتى تۇردە تۇسەتىنىن، بۇل تەمپەراتۋرالىق رەجيمنىڭ بۇزىلۋىن جەدەل انىقتاۋعا مۇمكىندىك بەرەتىنىن حابارلاعان بولاتىن.