اقش استاناسىندا وتكەن جىل ىشىندە 1،9 مىڭعا جۋىق اتىس قارۋى تاركىلەنىپ، زاڭسىز ساقتاۋعا بايلانىستى 16،5 مىڭنان استام ادام ۇستالدى، دەپ حابارلايدى infohub.kz سايتى.
اقش-تىڭ ەسىرتكىگە قارسى كۇرەس باسقارماسىنىڭ (DEA) دەرەكتەرىنە سايكەس، قىلمىس قالا شەكاراسىمەن شەكتەلمەيدى، سوندىقتان ۆەدومستۆو مەن ونىڭ سەرىكتەستەرى زورلىق-زومبىلىق قىلمىستارىنىڭ دەڭگەيىن تومەندەتۋ ءۇشىن بارلاۋ دەرەكتەرىن، رەسۋرستار مەن كۇشتەردى بىرىكتىرەدى.
جالعاسىپ جاتقان وپەراسياعا DEA قىزمەتكەرلەرى مەن باسقا دا فەدەرالدى جانە جەرگىلىكتى قۇقىق قورعاۋ ورگاندارىنىڭ وكىلدەرى قاتىسۋدا. تاركىلەنگەن قارۋلار ۇيىمداسقان قىلمىس پەن قارۋدىڭ زاڭسىز اينالىمىنا قارسى جۇرگىزىلگەن رەيدتەر مەن جەدەل ءىس-شارالار بارىسىندا الىنعان.
ۇستاۋلار مەن تاركىلەۋ دەرەكتەرى بيلىكتىڭ كوشە قىلمىسىنا قارسى جاريالاعان ناۋقان اياسىندا اتقارىلىپ جاتقان جۇمىستىڭ اۋقىمىن كورسەتەدى. اقش استاناسىنىڭ بيلىگى اتىس قارۋىن قولدانۋ وقيعالارىنىڭ كوبەيۋىنە بايلانىستى قاۋىپسىزدىك شارالارىن كۇشەيتۋ قاجەتتىگىن بىرنەشە رەت مالىمدەگەن.