ۆەنەسۋەلانىڭ ۋاقىتشا پرەزيدەنتى دەلسي رودريگەس حالىققا ۇندەۋىندە اقش-پەن مۇناي كەلىسىمى اياسىندا ەل الاتىن تابىستار تۋرالى حابارلادى، دەپ حابارلايدى infohub.kz سايتى.
ونىڭ ايتۋىنشا، تابىس شامامەن 209 ملرد اقش دوللارىن قۇراۋى مۇمكىن، ياعني وندىرىلگەن جانە ساتىلعان ءاربىر باررەلدەن شامامەن 19 دوللار. «ناقتىراق ايتقاندا، بۇل وندىرىلگەن جانە ساتىلعان ءاربىر باررەلدەن شامامەن 19 دوللار تىكەلەي ءبىزدىڭ ەلگە تۇسەدى»، — دەدى ساياساتكەر.
كەلىسىم مەملەكەت پايداسىنا رويالتي مەن تابىس سالىعىن قاراستىرادى. اتاپ ايتقاندا، ورينوكو مۇناي بەلدەۋىندە يگەرىلەتىن سەگىز جاڭا بلوك ءۇشىن ەڭ تومەنگى رويالتي 16%، ال تابىس سالىعى 34% قۇرايدى. رودريگەستىڭ ايتۋىنشا، ەسەپتەۋلەر باررەلىنە 65 دوللار باعاسىمەن جاسالعان.
بۇل كەلىسىم 25 جىلعا ەسەپتەلگەن جانە تاۋلىگىنە 1،5 ملن باررەلدەن استام وندىرىسكە جەتۋ ءۇشىن 17 ستراتەگيالىق كەن ورنىن يگەرۋدى كوزدەيدى. «ۆەنەسۋەلا ونىڭ ورنىنا ءوندىرىستى، جۇمىس ورىندارىن، ينفراقۇرىلىمعا ينۆەستيسيالاردى، مەملەكەت ءۇشىن ۇلكەن تابىستاردى جانە ۇلتتىق ونەركاسىپ ءۇشىن وندىرىستىك تىزبەكتەردى الادى»، — دەدى رودريگەس.
ساياساتكەر ۆەنەسۋەلانىڭ ەنەرگەتيكالىق دەرجاۆاعا، ءىرى مۇناي وندىرۋشىگە، ماڭىزدى گاز ەكسپورتتاۋشىعا اينالۋعا جانە ۇلتتىق مۇناي حيمياسىن دامىتۋعا ۇمتىلاتىنىن قوستى. ەسكە سالايىق، كەشە اقش پرەزيدەنتى دونالد ترامپ ۆەنەسۋەلامەن «الەم تاريحىنداعى ەڭ ءىرى» مۇناي كەلىسىمىنىڭ جاسالعانىن جاريالادى.