Bloomberg اگەنتتىگىنىڭ حابارلاۋىنشا، ۆەنەسۋەلا امەريكاندىق رەسمي وكىلدەرمەن وپەك-تەن (مۇناي ەكسپورتتاۋشى ەلدەر ۇيىمى) شىعۋ مۇمكىندىگىن تالقىلاعان. بۇل تۋرالى NUR.KZ ريا نوۆوستيگە سىلتەمە جاساپ حابارلايدى. اگەنتتىكتىڭ دەرەكتەرى بويىنشا، بۇل ازىرگە تەك الدىن الا وي رەتىندە قاراستىرىلىپ، تۇپكىلىكتى شەشىم قابىلدانعان جوق، دەپ حابارلايدى infohub.kz سايتى.
ۆەنەسۋەلا 1960 جىلى قۇرىلعان وپەك-تىڭ نەگىزىن قالاۋشى بەس ەلدىڭ ءبىرى ەكەنى اتاپ وتىلەدى. الايدا سوڭعى جىلدارى اقش سانكسيالارى مەن ەلدەگى ەكونوميكالىق داعدارىستار مۇناي ونەركاسىبىنە نۇقسان كەلتىرىپ، ونىڭ ۇيىمداعى ءرولىن السىرەتكەن، دەپ مالىمدەيدى اگەنتتىك.
ماقالادا ۆەنەسۋەلانىڭ وپەك-تەن شىعۋى اقش پەن باسقا ەلدەردىڭ حالىقارالىق مۇناي كومپانيالارىنا ۆەنەسۋەلانىڭ مۇناي سەكتورىن قالپىنا كەلتىرۋگە بەلسەندىرەك قاتىسۋعا جول اشۋى مۇمكىن ەكەندىگى ايتىلادى.
ەسكە سالايىق، 3 قاڭتارعا قاراعان ءتۇنى كاراكاستا جارىلىستار بولدى. وسىدان كەيىن اقش پرەزيدەنتى دونالد ترامپ امەريكاندىق كۇشتەر اۋقىمدى سوققى جاساعانىن، ال ۆەنەسۋەلا پرەزيدەنتى نيكولاس مادۋرو جۇبايىمەن بىرگە تۇتقىندالىپ، ەلدەن شىعارىلعانىن مالىمدەدى. كەيىنىرەك ترامپ ۆەنەسۋەلانى اقش-تىڭ 51ء-شى شتاتى ەتۋ نيەتىن ءبىلدىردى. ماۋسىم ايىندا اق ءۇي باسشىسى مادۋرونى تۇتقىنداعاننان كەيىن اقش-تىڭ ۆەنەسۋەلالىق مۇنايدى ساتۋدان تۇسكەن تابىسى تۋرالى حابارلادى.