نيۋ-يورك، 21 شىلدە. ۆەنەسۋەلانىڭ بۇرىنعى پرەزيدەنتى نيكولاس مادۋرو مەن اقش ادىلەت دەپارتامەنتىنىڭ پروكۋرورلارى مادۋروعا ەسىرتكى ساۋداسىنا قاتىستى ايىپ بويىنشا اقش-تا وتەتىن قىلمىستىق سوت پروسەسىن 2027 جىلعى ماۋسىمدا باستاۋدى ۇسىندى، – دەپ حابارلايدى infohub.kz.
بىرلەسكەن ۇسىنىس مادۋرونىڭ ءىسى بويىنشا الداعى سوت وتىرىسىنىڭ قارساڭىندا سوتقا بەرىلگەن قۇجاتتا كورسەتىلگەن. الدىن الا تىڭداۋ 22 شىلدەدە ساعات 12:00-دە (نيۋ-يورك ۋاقىتىمەن) مانحەتتەن فەدەرالدى سوتىندا وتەدى دەپ كۇتىلۋدە.
ءىستى قاراپ وتىرعان اقش وكرۋگتىك سۋدياسى ەلۆين حەللەرشتەين كەستەنى سوڭعى رەت بەكىتۋى كەرەك. تاراپتار قۇجاتتا كەستەگە وزگەرىستەر ەنگىزۋ مۇمكىندىگىن اتاپ وتكەن.
اقش-تىڭ ارنايى جاساعى مادۋرو مەن ونىڭ ايەلى سيليا فلورەستى قاڭتار ايىندا كاراكاستا تۇنگى رەيد بارىسىندا ۇستاپ، نيۋ-يورككە جەتكىزگەن بولاتىن. ولار وزدەرىنە تاعىلعان ايىپتاردى جوققا شىعاردى.