ۆەنگريا پرەزيدەنتى تاماش شۋيوك ءوز وكىلەتتىگىن توقتاتاتىن كونستيتۋسياعا تۇزەتۋگە قول قويدى. 20 شىلدەدەن باستاپ مەملەكەت باسشىسىنىڭ مىندەتىن پارلامەنت سپيكەرى ۋاقىتشا اتقارادى، دەپ حابارلايدى infohub.kz.
شۋيوك الەۋمەتتىك جەلىلەردە وسى تۇزەتۋگە قول قويعانىن حابارلادى. «مەنىڭ قولتاڭبام – رەسپۋبليكا پرەزيدەنتىنىڭ مىندەتتەرىنە جانە پرەزيدەنتتىك ينستيتۋتتىڭ وزىنە دەگەن تولىق جانە ءسوزسىز قۇرمەتتىڭ سوڭعى ءمورى. بۇل – مەن ۆەنگريانىڭ اتا زاڭىن سوڭىنا دەيىن ساقتاپ، بۇزباعانىمنىڭ بەلگىسى»، – دەدى ول بەينەۇندەۋىندە.
ساياساتكەر پارلامەنت قابىلداعان تۇزەتۋگە «قارسى تۇرۋدىڭ كونستيتۋسيالىق قۇرالدارى» جوق ەكەنىن مالىمدەدى.
ۆەنگريا پرەمەر-مينيسترى پەتەر ماديار 20 شىلدەدەن باستاپ پرەزيدەنتتىڭ وكىلەتتىگىن پارلامەنت سپيكەرى اگنەش فورستحوففە ۋاقىتشا اتقاراتىنىن مالىمدەدى. جاڭا پرەزيدەنت 30 كۇن ىشىندە سايلانادى.
ەسكە سالا كەتەيىك، پەتەر ماديار پارلامەنت سايلاۋىندا جەڭىسكە جەتكەننەن كەيىن بىردەن ەل پرەزيدەنتىنە قاتىستى يمپيچمەنت پروسەدۋراسىن باستاۋ نيەتىن بىلدىرگەن بولاتىن. كەيىن ول شۋيوكتان پرەزيدەنت قىزمەتىنەن كەتۋدى تالاپ ەتتى، الايدا ساياساتكەر بۇل تالاپتاردى ەلەمەدى. سونداي-اق ول مادياردى كونستيتۋسيانى ورەسكەل بۇزدى دەپ ايىپتادى.