جۋرناليست كسەنيا سوبچاكتىڭ بۇرىنعى جۇبايى، اكتەر ماكسيم ۆيتورگان ماسكەۋدەگى ەكى پاتەرىن ۇلكەن قىزى پولينانىڭ اتىنا قايتا تىركەدى. بۇل تۇرعىن ءۇيدىڭ جالپى قۇنى شامامەن 100 ملن رۋبل، ياعني 538 ملن تەڭگەگە جۋىق دەپ باعالانىپ وتىر، دەپ حابارلايدى infohub.kz سايتى.
Telegram-داعى Shot ارناسىنىڭ دەرەككوزگە سىلتەمە جاساپ حابارلاۋىنشا، پاتەردىڭ ءبىرى ۇلكەن ۆلاسەۆسكي تۇيىعىندا ورنالاسقان. ۆيتورگان ونىڭ يەسى اتانعان 1998 جىلى ەدى. تۇرعىن ءۇيدىڭ اۋدانى 47 شارشى مەتر، قازىرگى قۇنى شامامەن 47 ملن رۋبل دەپ باعالانادى.
ەكىنشى پاتەردى اكتەر 2018 جىلى اكەسى — كسرو حالىق ءارتىسى ەممانۋيل ۆيتورگاننان العان. بۇل — كراسنايا پرەسنيا جاعالاۋىنداعى اۋدانى 68 شارشى مەتر ەكى بولمەلى پاتەر، قۇنى شامامەن 55 ملن رۋبل دەپ ەسەپتەلەدى.
Shot دەرەگىنشە، ۆيتورگان ەكى پاتەردى دە 30 جاستاعى پولينانىڭ اتىنا ءبىر كۇننىڭ ىشىندە تىركەگەن.
2022 جىلى سوعىس باستالعان سوڭ اكتەر رەسەيدەن يزرايلگە كەتتى. سوعان قاراماستان ۆيتورگان ماسكەۋگە كەلىپ تۇرادى. ءقازىر ونىڭ «كۆارتەت ي» تەاترىندا ەكى سپەكتاكلى بار.
ونىڭ ۇلكەن قىزى پولينا دا يزرايلدە تۇرادى. 2024 جىلى ول تەل-اۆيۆكە تۇپكىلىكتى كوشىپ كەتتى. قىز الەۋمەتتىك جەلىلەردى ورىس جانە يۆريت تىلدەرىندە جۇرگىزەدى. بۇعان قوسا رەسەيدە ونىڭ شاشتاراز قىزمەتى سالاسىنداعى جەكە كاسىپكەرلىگى قالىپ وتىر.
سوبچاك پەن ۆيتورگان 2013–2019 جىلدارى نەكەدە بولدى. ولاردىڭ پلاتون ەسىمدى ورتاق بالاسى بار، ول 2016 جىلى قاراشادا دۇنيەگە كەلگەن.
بۇعان دەيىن Kursiv LifeStyle جۋرناليست ءارى بلوگەر يۋري ءدۋدتىڭ مۇلكىن رەسەيدە مەملەكەت پايداسىنا الىپ قويۋ ءراسىمى باستالعانىن جازعان ەدى. 2022 جىلدان كەيىن ول رەسەيدەن كەتىپ، قازىرگى رەجيمدى سىنايدى. شەكتەۋلەر ەڭ الدىمەن ءدۋدتىڭ وڭتۇستىك بۋتوۆوداعى پاتەرىنە قاتىستى قولدانىلدى.