18 جاستاعى ۆيۆەن دجولي-پيتت كامەلەتكە تولعاننان كەيىن بىردەن ەسىمىن وزگەرتۋگە زاڭدى ءوتىنىش بەردى. ول ايگىلى اكەسىنىڭ تەگىنەن تولىق ارىلىپ، تەك اناسىنىڭ تەگىن قالدىرماقشى، - دەپ حابارلايدى infohub.kz سايتى.
اندجەلينا دجولي مەن برەد ءپيتتتىڭ كەنجە قىزى اكەسىنىڭ تەگىنەن رەسمي باس تارتۋدى ۇيعاردى. 18 جاسقا تولعانىنا بىرنەشە كۇن وتكەن سوڭ ۆيۆەن لوس-اندجەلەس وكرۋگتىك سوتىنا ەسىمىن ۆيۆەن دجولي دەپ وزگەرتۋ تۋرالى رەسمي قۇجات تاپسىردى. ول بارلىق قۇجاتتاردان «پيتت» بولىگىن الىپ تاستاۋدى كوزدەيدى. بۇعان دەيىن ول اناسىمەن بىرگە پروديۋسەر اسسيستەنتى بولىپ جۇمىس ىستەگەن «يزگوي» برودۆەي ميۋزيكلىنىڭ تيترلەرىندە جاڭارتىلعان تەگىن كورسەتكەن بولاتىن، الايدا ەندى وزگەرىستەردى زاڭدى تۇردە بەكىتپەك.
ۆيۆەن اتا-اناسىنىڭ كوپ جىلعى سوت تالاستارى اياسىندا برەد پيتتتەن الىستاۋدى شەشكەن العاشقى بالا ەمەس. بۇعان دەيىن اكەسىنىڭ تەگىنەن ونىڭ ۇلكەن اپكەسى شايلو باس تارتقان، سونداي-اق زاحارا كوللەدجدە ستۋدەنتتىك قوعامداستىققا كىرگەن كەزدە ءوزىن زاحارا مارلي دجولي دەپ تانىستىرعان. اكتەردىڭ اينالاسىنداعى ينسايدەرلەردىڭ ايتۋىنشا، پيتت بالالارىمەن اراسىنىڭ ءۇزىلۋىن قاتتى قيىن كورۋدە جانە بالا كەزىندە وتە جاقىن بولعان قىزىنىڭ شەشىمىنە رەنجىگەن.