ماسكەۋدىڭ «سپارتاك» كلۋبىنىڭ بۇرىنعى فۋتبولشىسى ۆلاديسلاۆ دۋيۋن ۇزاققا سوزىلعان اۋرۋدان كەيىن 49 جاسىندا قايتىس بولدى، دەپ حابارلادى infohub.kz سايتى.
ماسكەۋدىڭ «سپارتاك» كلۋبى ساپىندا رەسەي چەمپيونى اتانعان ۆلاديسلاۆ دۋيۋن 49 جاسىندا دۇنيە سالدى. بۇل تۋرالى ونىڭ اعاسى ۆلاديمير مالىمدەدى. ءۆلاديميردىڭ ايتۋىنشا، فۋتبولشى ءبىر جارىم جىل بويى ۇيقى بەزىنىڭ قاتەرلى ىسىگىمەن كۇرەسكەن.
«بۇگىن تاڭەرتەڭ ۆلاديسلاۆ قايتىس بولدى، ول ۇيقى بەزىنىڭ وبىرىنا شالدىققان ەدى. ول ءبىر جارىم جىلداي كۇرەستى. ارتىندا 14، 16 جانە 18 جاستاعى ءۇش بالاسى قالدى. باۋىرىم ولاردى ءوزى ءوسىردى، ونىڭ ايەلى 11 جىل بۇرىن قاتەرلى ىسىكتەن كوز جۇمعان»، — دەدى ۆلاديمير دۋيۋن.
سونداي-اق ول جۇبايى قايتىس بولعان سوڭ ۆلاديسلاۆتىڭ بالا تاربيەسىنە كوڭىل بولگەنىن، ءبىراز ۋاقىت جاستارمەن جۇمىس ىستەگەنىن ايتتى. «ۆلاد جاقسى جىگىت ەدى، ارىپتەستەرى ول تۋرالى ىلعي جاقسى پىكىر ايتاتىن. ءبىر كەزدەرى جاستارمەن جۇمىس ىستەسە دە، ايەلى ولگەننەن كەيىن بالالارىنا باسىلدى»، — دەپ قوستى سپورتشىنىڭ اعاسى.
ۆلاديسلاۆ دۋيۋن 1996–1997 جىلدارى «سپارتاك» ساپىندا ويناپ، ماسكەۋ كلۋبىمەن رەسەي چەمپيونى اتاندى. كەيىن ول تومەنگى نوۆگورودتىڭ «لوكوموتيۆى»، «روستسەلماش»، «بالتيكا» جانە باسقا كوماندالاردا ونەر كورسەتتى.