Volkswagen Group كونسەرنى اۋقىمدى سەرۆيستىك ناۋقان باستاعانىن حابارلادى. ونىڭ اياسىندا الەم بويىنشا 2،1 ملن-نان استام كولىك كەرى شاقىرىلادى، دەپ جازادى infohub.kz سايتى.
ناۋقان تۋرالى نەمىستىڭ ADAC اۆتوموبيل ۇيىمى مالىمدەدى. سەبەبى — رۋل مەحانيزمىندەگى بەكىتپەنىڭ ىقتيمال اقاۋى. ەڭ ناشار جاعدايدا بۇل باسقارۋ جۇيەسىنىڭ جۇمىسىن بۇزۋى مۇمكىن.
«ماسەلە رۋل مەحانيزمىندەگى بۇراندالى قوسىلىسقا قاتىستى — بەلگىلى ءبىر جاعدايلاردا، سونىڭ ىشىندە كورروزيا ۇدەرىستەرى كەزىندە بەكىتپە ەلەمەنتى بوساپ، بۇزىلۋى ىقتيمال»، — دەلىنگەن حابارلامادا.
ەڭ قولايسىز سەناريدە بۇل باسقارىمنىڭ ناشارلاۋىنا نەمەسە رۋل باسقارۋىنىڭ تولىق ىستەن شىعۋىنا اكەلۋى مۇمكىن، ال بۇل جول-كولىك وقيعاسى ءقاۋپىن ارتتىرادى.
ناۋقان اياسىندا سەرۆيس ورتالىقتارىنا 2013 جىلدىڭ قىركۇيەگىنەن 2024 جىلدىڭ شىلدەسىنە دەيىن شىعارىلعان Volkswagen Golf، Golf Variant، Tiguan، Touran جانە Caddy، سونداي-اق 2017 جىلدىڭ قازانىنان 2024 جىلدىڭ مامىرىنا دەيىن وندىرىلگەن Audi Q3 يەلەرى شاقىرىلادى.