نەمىس اۆتوكونسەرنى Volkswagen قازاقستانعا رەسمي جەتكىزىلىمدەردى باستادى. العاشقى پارتيا FAW-Volkswagen وندىرىستىك الاڭىنان جونەلتىلدى، دەپ حابارلايدى infohub.kz.
يمپورتتاۋشى Orbis Auto ءباسپاسوز قىزمەتىنىڭ مالىمەتىنشە، پارتيا قۇرامىنا ءارتۇرلى كلاستاعى Volkswagen جانە Jetta مودەلدەرى ەنگەن. بۇل — Orbis Auto مەن Volkswagen China اراسىنداعى كەلىسىمگە قول قويىلعاننان كەيىنگى العاشقى جەتكىزىلىم.
راستالعان مودەلدەردىڭ ىشىندە — Volkswagen Passat سەدانى جانە Tayron كروسسوۆەرى. تولىق مودەل قاتارى ازىرگە جاريالانبايدى: بارلىق اۆتوكولىك تامىز ايىنا جوسپارلانعان Volkswagen جانە Jetta برەندتەرىنىڭ ۇلتتىق ىسكە قوسىلۋى بارىسىندا رەسمي تۇردە تانىستىرىلادى.
كومپانيا دەرەكتەرىنە سايكەس، اۆتوكولىكتەر قازاقستاننىڭ كليماتتىق جانە جول جاعدايلارىنا بەيىمدەلگەن. جاڭعىرتۋ قۋات اگرەگاتتارىن، ەلەكتروندىق جۇيەلەردى، اسپانى، كۋزوۆ پەن ءتۇبىن قورعاۋدى، سونداي-اق باعدارلامالىق جاساقتاما مەن مۋلتيمەديالىق جۇيەنى قامتىدى.
العاشقى پارتيانىڭ Volkswagen وندىرىستىك الاڭىنان قازاقستانعا دەيىنگى باعىتى شامامەن 3،5 مىڭ شاقىرىمدى قۇرايدى. كولىكتەر كەلگەننەن كەيىن رەسمي ديلەرلىك ورتالىقتارعا جەتكىزىلىپ، ساتۋعا دەيىنگى دايىندىقتان وتەدى.
باعالار، جيناقتار، مودەلدەردىڭ تولىق ءتىزىمى جانە قازاقستانداعى Volkswagen مەن Jetta رەسمي ديلەرلەرى تامىز ايىندا برەندتەردىڭ ۇلتتىق ىسكە قوسىلۋى كەزىندە جاريالانادى.
بۇعان دەيىن Volkswagen قازاقستاندا قىتايلىق ءوندىرىستىڭ جەتى مودەلىمەن قايتا ىسكە قوسىلاتىنى حابارلانعان بولاتىن، ونىڭ ىشىندە Bora، Passat، Tayron، Talagon، سونداي-اق Jetta VA7، VS7 جانە VS8.