2026 جىلدىڭ سوڭىنا دەيىن ارال تەڭىزىنە 1،2 ميلليارد تەكشە مەتر سۋ جىبەرۋ جوسپارلانۋدا. 2025 جىلدىڭ قازان ايىنان بەرى سىرداريا وزەنى ارقىلى 1،4 ميلليارد تەكشە مەتر سۋ كەلىپ ءتۇستى، دەپ حابارلايدى infohub.kz.
قازىرگى ۋاقىتتا سولتۇستىك ارالداعى سۋ كولەمى 23،5 ميلليارد تەكشە مەتردى قۇرايدى. ۆەگەتاسيالىق كەزەڭدە تەڭىزگە سەكۋندىنا 40 تەكشە مەتر سۋ جىبەرىلەدى.
2030 جىلعا قاراي سۋ كولەمىن 34 ميلليارد تەكشە مەترگە جەتكىزۋ جوسپارلانعان. بۇل ءۇشىن قازاقستان مەن دۇنيەجۇزىلىك بانكتىڭ بىرلەسكەن جوباسىنىڭ ەكىنشى كەزەڭى اياسىندا كوكارال بوگەتى قايتا جاڭعىرتىلادى.
الايدا جەرگىلىكتى بالىقشىلار سۋدى تەك جىبەرۋ جەتكىلىكسىز دەيدى. سۋ رەسۋرستارى ءمينيسترى نۇرجان نۇرجىگىتوۆپەن كەزدەسۋدە ولار كەيبىر فەرمەرلەردىڭ سۋ الۋ ليميتىنەن اسىپ كەتكەنىن اتاپ، سۋدى پايدالانۋ باقىلاۋىن كۇشەيتۋگە شاقىردى.
«ءبىز اۋىل شارۋاشىلىعىندا سۋدى پايدالانۋ ليميتتەرى بەكىتىلگەنىن بىلەمىز، ءبىراق كەيبىر فەرمەرلەردىڭ بۇل شەكتەۋلەردى ساقتامايتىن جاعدايلارى بايقالادى. ءبىز سىرداريانىڭ تومەنگى اعىسىندا ورنالاسقاندىقتان، وبلىستاعى بالىق شارۋاشىلىعى ءۇشىن شارۋالاردىڭ سۋدى ۇنەمدەۋى ماڭىزدى»، — دەدى «ارال» سەرۆيستىك-دايىندىق ورتالىعى» ج ش س ديرەكتورى ادىلبەك ايىمبەتوۆ.
بالىقشىلار سونىمەن قاتار سىردارياعا سەكۋندىنا 100 تەكشە مەترگە دەيىن سۋ جىبەرۋ ءۇشىن شليۋز سالۋدى ۇسىندى.