Warner Bros. كومپانياسى تانىمال Hogwarts Legacy ويىنىنىڭ جالعاسى ازىرلەنىپ جاتقانىن رەسمي راستادى. بۇل تۋرالى Warner Bros. Discovery اكسيونەرلەرگە ارنالعان ەسەبىندە حابارلاندى، دەپ جازادى infohub.kz.
ەسەپكە سايكەس، ويىننىڭ ەكىنشى ءبولىمى WB Games كومپانياسىنىڭ الداعى جىلدارداعى نەگىزگى جوبالارىنىڭ ءبىرى رەتىندە قاراستىرىلۋدا، ودان جوعارى پايدا كۇتىلۋدە.
سيكۆەلدىڭ ازىرلەمەسى ءقازىردىڭ وزىندە ءجۇرىپ جاتىر. جالعاسى تۋرالى العاشقى بەلگىلەر 2024 جىلدىڭ كۇزىندە پايدا بولدى، ال 2026 جىلدىڭ ەكىنشى توقسانىنداعى ەسەپتە كومپانيا «Hogwarts Legacyء-دىڭ ەكىنشى ءبولىمىن» تىكەلەي اتاپ ءوتتى. ناقتى شىعارىلىم كۇنى ازىرگە بەلگىسىز، الايدا باسشىلىق پەن ساراپشىلاردىڭ بولجامى بويىنشا، تولىققاندى رەليز نەمەسە العاشقى ءىرى كورسەتىلىم 2027-2028 جىلدارى كۇتىلۋدە.
ەسكە سالايىق، 2023 جىلى جارىق كورگەن ءبىرىنشى ءبولىم ناعىز حيتكە اينالدى: ويىن بۇكىل الەم بويىنشا 40 ميلليوننان استام دانا تارالىممەن ساتىلىپ، «گارري پوتتەر» جانكۇيەرلەرىنىڭ دە، قاراپايىم ويىنشىلاردىڭ دا سۇيىكتى ويىنىنا اينالدى.
بۇعان دەيىن گارري پوتتەر تۋرالى فيلمدەردەگى لاۆاندا براۋن رولىمەن تانىمال اكتريسا دجەسسي كەيۆ سوڭعى ءبىر جىلدا OnlyFans (نەگىزىنەن ەرەسەكتەرگە ارنالعان كونتەنتىمەن تانىمال اقىلى جازىلىم سەرۆيسى) ارقىلى بۇكىل اكتەرلىك مانسابىنداعىدان كوپ تابىس تاپقانىن مويىنداعانى حابارلانعان بولاتىن. 39 جاستاعى اكتريسا گارري پوتتەر فرانشيزاسى اياقتالعاننان كەيىن ءىرى رولدەردىڭ دەرلىك بولماعانىن ايتتى.