1 قازاننان باستاپ WhatsApp بيزنەس-اككاۋنتتارعا قاتىستى ەرەجەلەرىن وزگەرتەدى: كومپانيالار WhatsApp Business Platform ارقىلى كليەنتتەرگە جىبەرىلەتىن حابارلامالار ءۇشىن تولەم جاساۋعا ءماجبۇر بولادى. قازاقستاندا تاريف شامامەن $0،018، ياعني ءار حابارلاما ءۇشىن 8 تەڭگە بولادى، دەپ حابارلايدى infohub.kz سايتى.
سونىمەن قاتار ءاربىر بيزنەس-نومىرگە ايىنا 1 000 تەگىن حابارلاما بەرىلەدى. وسى شەكتەن اسقان سوڭ كومپانيالار ودان ءارى جىبەرىلەتىن حابارلامالار ءۇشىن تولەي باستايدى. مىسالى، كومپانيا ءبىر ايدا 10 مىڭ وسىنداي حابارلاما جىبەرسە، ونىڭ 9 مىڭى ءۇشىن تولەم جاسايدى. بۇل شامامەن $162، نەمەسە 72 مىڭ تەڭگەگە جۋىق سومانى قۇرايدى.
كليەنتتەر حابارلامالار ءۇشىن تولەم جاسامايدى. وزگەرىستەر WhatsApp Business Platform مەن اۆتوماتتى تاراتىلىمدار، CRM، چات-بوتتار جانە باسقا دا سەرۆيستەردى پايدالاناتىن كاسىپكەرلەرگە قاتىستى.
بۇل قازاقستان ءۇشىن اسىرەسە وزەكتى. WhatsApp Businessء-تى بىزدە ءىرى كومپانيالار عانا ەمەس، شاعىن كاسىپكەرلەر، دۇكەندەر، شەبەرلەر جانە باسقا دا ماماندار پايدالانادى. ونىڭ ۇستىنە ولاردىڭ كوبى جاپپاي تاراتىلىمداردى بەلسەندى قولدانادى.
بۇعان دەيىن Kursiv LifeStyle WhatsApp توپتىق چاتتارعا ءىرى جاڭارتۋ ۇسىنعانىن جازعان بولاتىن.