Wildberries قويمالارعا شابۋىلدان كەيىن زارداپ شەككەن ساتۋشىلارعا العاشقى تولەمدەرىن باستادى. بۇل تۋرالى Wildberries نەگىزىن قالاۋشى ءارى RWB بىرىككەن كومپانياسىنىڭ باسشىسى تاتيانا كيم جۋرناليستەرگە مالىمدەدى، دەپ حابارلايدى infohub.kz.
ونىڭ ايتۋىنشا، سەرىكتەستەرگە قارجىلاي قولداۋ كورسەتۋ تەتىگى فورس-ماجورلىق جاعدايلارعا قاراماستان، شابۋىلدان كەيىنگى العاشقى كۇندەردەن باستاپ ازىرلەنگەن.
كيم ەڭ الدىمەن ەڭ شاعىن جانە ەڭ وسال كاسىپكەرلەرگە تولەمدەر جىبەرىلەتىنىن اتاپ ءوتتى. 88 مىڭنان استام ساتۋشى العاشقى تولەمدەرىن 22 شىلدەدە الادى، ال قاراجات ءبىر تاۋلىك ىشىندە ولاردىڭ بالانسىنا ءتۇسۋى ءتيىس.
RWB باسشىسى سونداي-اق تولەمدەردى ەسەپتەۋدىڭ تولىق فورمۋلاسى ساتۋشى پورتالىندا جاريالاناتىنىن حابارلادى. سونىمەن قاتار، كومپانيا ورتا جانە ءىرى بيزنەس وكىلدەرىنە ارنالعان ساتۋ سيمۋلياتورىن ازىرلەپ جاتىر.
كيمنىڭ ايتۋىنشا، Wildberries بولاشاقتا باسقا نىسانداردا دا وسىنداي جاعدايلار تۋىنداعان كەزدە ۇقساس قارجىلاي قولداۋ تەتىگىن قولدانۋدى جوسپارلاپ وتىر.