97 جاسىندا الەمگە ايگىلى جاپون سۋرەتشىسى ءياوي كۋساما دۇنيەدەن ءوتتى. ول الەمدەگى ەڭ قىمبات اۆانگارد سۋرەتشىلەرىنىڭ ءبىرى بولىپ سانالادى، دەپ حابارلايدى infohub.kz سايتى.
DW جاپوندىق Kyodo باسىلىمىنا سىلتەمە جاساپ، ءياوي كۋسامانىڭ 14 تامىزدا توكيوداعى اۋرۋحانادا قايتىس بولعانىن حابارلادى. سۋرەتشىنىڭ توكيوداعى مۇراجايىنىڭ مالىمەتىنشە، ءولىم سەبەبى — پوليورگاندىق جەتكىلىكسىزدىك.
ءياوي كۋساما قازىرگى زامان ونەرىندەگى اۆانگاردتىڭ نەگىزىن قالاۋشىلاردىڭ ءبىرى بولدى. ونىڭ شىعارماشىلىعى بەينەلەۋ ونەرىن، پەرفورمانستى، كوركەم پروزا مەن پوەزيانى قامتىدى. مۇراجاي وكىلدەرى: «ول سوڭعى كۇندەرىنە دەيىن سۋرەت سالدى جانە ءومىر بويى ماحاببات الەمدى قۇتقارا الادى دەپ نىق سەندى»، — دەدى.
ءياوي كۋساما 1929 جىلى 22 ناۋرىزدا ماسۋموتو قالاسىندا دۇنيەگە كەلدى. بالا كەزىنەن ونى ەلەستەر مازالادى، ولاردىڭ ءبىر بولىگىن ول ونەرىندە بەينەلەدى. 1950 جىلداردىڭ سوڭىندا سۋرەتشى نيۋ-يورككە كوشىپ، وندا ونىڭ العاشقى كورمەسى اقش-تا ۇلكەن تابىسقا جەتتى. سۋرەتشى نيۋ-يورك اۆانگاردىنىڭ ورتاسىنا ەندى.
1970 جىلداردىڭ باسىندا كۋساما جاپونياعا ورالدى، ال 1977 جىلى ءوز ەركىمەن توكيوداعى پسيحياتريالىق كلينيكاعا ورنالاستى.