YouTube Premium Lite جازىلىمىنىڭ جاھاندىق اۋقىمدا كەڭەيتىلەتىنىن مالىمدەدى. ەندى جاڭا تاريف YouTube Premium قولجەتىمدى بارلىق ەلدەردە، ونىڭ ىشىندە قازاقستاندا دا پايدا بولادى. بۇل — پرەميۋم جازىلىمنىڭ قولجەتىمدى نۇسقاسى، ول كوپتەگەن بەينەروليكتەردى جانە پودكاستتاردى جارناماسىز كورۋگە مۇمكىندىك بەرەدى، الايدا فۋنكسيونالدىعى جاعىنان ستاندارتتى جازىلىمنان ايتارلىقتاي تومەن، دەپ حابارلايدى infohub.kz.
Premium Lite تاريفىنە YouTube Music، سونداي-اق بەينەروليكتەردى قۇرىلعىعا جۇكتەپ الۋ جانە ولاردى فوندىق رەجيمدە ويناتۋ مۇمكىندىگى كىرمەيدى. بۇل فۋنكسيالار ءۇشىن ءالى دە كادىمگى YouTube Premium قاجەت.
سونىمەن قاتار، Google ەسكەرتەدى: جارناما سەرۆيستىڭ كەيبىر بولىمدەرىندە، مىسالى، Shorts كورۋ كەزىندە، مۋزىكالىق كونتەنت تىڭداۋ كەزىندە نەمەسە YouTube تاسپاسىن قاراۋ كەزىندە كەزدەسۋى مۇمكىن.
ازىرگە كومپانيا Premium Liteء-تىڭ قازاقستانداعى قۇنىن جاريالاعان جوق. اقش-تا جازىلىم ايىنا $7،99 (شامامەن 3،7 مىڭ تەڭگە) تۇرادى، الايدا Google باسقا ەلدەردە باعا ايماقتىق بولاتىنىن جانە امەريكاندىق باعادان تومەن بولۋى ىقتيمال ەكەنىن اتاپ ءوتتى.
جاڭا ءتاريفتىڭ پايدا بولعانىن YouTube اككاۋنتىڭىزداعى جازىلىمدار بولىمىنەن تەكسەرۋگە بولادى. كومپانيا Premium Liteء-تى YouTube Premium جۇمىس ىستەيتىن بارلىق ەلدەردە جاقىن ارادا ىسكە قوسۋدى ۋادە ەتتى.
بۇعان دەيىن Kursiv LifeStyle YouTube پايدالانۋشىلارعا Shorts قىسقا بەينەروليكتەرىنەن باس تارتۋعا رۇقسات بەرگەنىن جازعان بولاتىن.