قازاقستاندا ىستىقتىڭ قىسقا مەرزىمگە السىرەۋى كۇتىلەدى: 30 شىلدە مەن 1 تامىز ارالىعىندا ءبىرقاتار ايماققا جاڭبىر كەلەدى. بۇل تۋرالى infohub.kz «قازگيدرومەت» رمك-عا سىلتەمە جاساپ حابارلايدى.
سينوپتيكتەردىڭ مالىمەتىنشە، الداعى كۇندەرى قاتتى ىستىق ساقتالادى، الايدا كەيبىر اۋدانداردا جاۋىن-شاشىن بولادى.
اتموسفەرالىق فرونتالدىق بولىكتەردىڭ اسەرىنەن رەسپۋبليكادا نايزاعايلى قىسقا مەرزىمدى جاڭبىر، جەلدىڭ كۇشەيۋى، بۇرشاق جاۋۋى مۇمكىن. ەلدىڭ سولتۇستىك-باتىسىندا، سولتۇستىگىندە جانە شىعىسىندا قاتتى جاڭبىر كۇتىلەدى. وڭتۇستىكتە جانە وڭتۇستىك-شىعىستا يراننان كەلگەن قۇرعاق اۋا ماسسالارىنىڭ اسەرىنەن جاۋىن-شاشىن بولمايدى.
اۋا تەمپەراتۋراسى ەلدىڭ باسىم بولىگىندە بىرتىندەپ كوتەرىلەدى، باتىس، سولتۇستىك-باتىس جانە سولتۇستىك ايماقتاردى قوسپاعاندا، وندا قاتتى ىستىقتان كەيىن 1 تامىزدا كۇندىز +25...+35 گرادۋسقا دەيىن تومەندەۋ كۇتىلەدى. قالعان اۋماقتا: ورتالىقتا، شىعىستا جانە وڭتۇستىك-شىعىستا +33...+41 گرادۋس، وڭتۇستىكتە +35...+44 گرادۋس.