ساۋات اشۋ ساباعى
ساباقتىڭ تاقىرىبى: يۋ يۋ دىبىسى مەن ءارپى
ساباقتىڭ ماقساتتارى:
1) بىلىمدىلىك: يۋ يۋ دىبىسى مەن ءارپىن تانىستىرۋ، دىبىس پەن ءارىپتى اجىراتا بىلۋگە ۇيرەتۋ. كەسپە ارىپتەردەن بۋىن، ءسوز، سويلەم قۇراتۋ. يۋ دىبىسى بار سوزدەرگە دىبىستىق تالداۋ جاساي بىلۋگە ۇيرەتۋ.
2) دامىتۋشىلىق: ويلاۋ، ەستە ساقتاۋ قابىلەتتەرىن ارتتىرۋ، سوزدىك قورلارىن مولايتۋ، قىزىعۋشىلىعىن، بەلسەندىلىگىن دامىتۋ، ساۋاتتى جازۋعا باۋلۋ.
3) تاربيەلىك: ادەپتىلىككە، ەڭبەكسۇيگىشتىككە تاربيەلەۋ.

ساباقتىڭ كورنەكتىلىگى: يۋ دىبىسىنىڭ باسپا، جازبا ءتۇرى، كەسپە ارىپتەر، بۋىندار، سۋرەتتەر، تەكشەلەر، داپتەر، ۇلەستىرمەلى قاعازدار.
ساباقتىڭ ءادىسى: سۇراق – جاۋاپ، ءتۇسىندىرۋ، ويىن، كورنەكتىلىك.

ساباقتىڭ بارىسى: 1) ۇيىمداستىرۋ 2) ءۇي تاپسىرماسىن سۇراۋ.
ءۇي تاپسىرماسىن قورىتىندىلاۋ
1) يا يا قانداي دىبىس؟
ا) داۋىستى، ب) داۋىسسىز
2) يا يا دىبىسى ءسوزدىڭ قاي جەرىندە كەزدەسەدى؟
ا) ورتاسىندا ءا) باسىندا ب) بارلىق بۋىندا

جاڭا ساباق. جۇمباق جاسىرۋ
ءتاتتى كورسە باس سالار
اينىمايدى بالادان
ءۇپ - ۇلكەن بوپ جاسقانار،
كىپ – كىشكەنتاي ارادان (ايۋ)

«ايۋ» سوزىندە نەشە بۋىن بار.
بىزگە تانىس ەمەس قانداي دىبىس ەستىلىپ تۇر؟ ( حورمەن ايتۋ)
- قانداي دىبىس ەكەن؟
- داۋىستى
- يۋ يۋ دىبىسىنىڭ باسپا، جازبا تۇرلەرىمەن تانىستىرۋ
- يۋ دىبىسىن ايتقاندا ي - ۋ قوسارلى دىبىسى ەستىلەدى، جازعاندا يۋ بولىپ جازىلادى.
يۋ دىبىسى ءوز الدىندا جەكە بۋىن جاساي الادى. مىسالى: ا - يۋ، قو - يۋ، قۇ - يۋ

ايۋدى سيپاتتاۋ. ايۋدىڭ سۋرەتىن كورسەتۋ.
- ايۋ - قوڭىر
-------اڭعال
-------باتىل
-------جىلدام
-------جىرتقىش

جۇمىستىڭ وسى ءتۇرىن كورسەتە وتىرىپ، وقۋشىلاردىڭ جانۋارلارعا دەگەن سۇيىسپەنشىلىكتەرىن ارتتىرىپ، تابيعاتقا قامقورلىق جاساۋعا، مەيىرىمدىلىكپەن قاراۋعا تاربيەلەۋ.

وقۋلىقپەن جۇمىس.
سۋرەت بويىنشا اڭگىمە قۇراستىرۋ. ماعىناسىنا توقتالۋ. (بالالاردىڭ ءوز ويلارىن ورتاعا جاسقانباي جەتكىزە بىلۋگە تاربيەلەۋ)
3) سوزدىكتەرمەن جۇمىس. بۋىنعا بولگىزىپ ايتقىزۋ.(بۋىن تۋرالى قىسقاشا ماعلۇمات بەرۋ)

- ايۋ، قويۋ، قۇيۋ، ءسۇيۋ، ەسەيۋ، ازايۋ، ويۋ، قيۋ، ءتۇيۋ، كيۋ، ۇلكەيۋ، كوبەيۋ.

ءار سوزدە نەشە بۋىن بار؟ يۋ دىبىسى نەشىنشى بۋىندا؟(بالالار قولدارىن شاپالاقتاي وتىرىپ، نەشە بۋىن بار ەكەنىن اجىراتادى.)
كورنەكىلىكتەر بويىنشا تاقىرىپتىق اڭگىمە وتكىزۋ.
- بالالار، بۇگىن ءبىز سىزدەرمەن «ادەمى ويۋ» تاقىرىبىنا تاراتپالى ماتەريالدار ارقىلى اق قاعازعا سالىنعان ويۋىمىزدى ادەمىلەپ بويايمىز.
ءمۇعالىم تاراتپالى ماتەريالداردى ءارقايسىسىنا تاراتادى..
قولدان جاسالعان سىرماق كورسەتىلەدى.
سەرگىتۋ ءساتى
ورمانداعى ايۋدىڭ
قۇلپىنايى كوپ ەكەن.
تەرىپ - تەرىپ الايىق،
قالتامىزعا سالايىق.
بالالاردىڭ بوياعان سۋرەتتەرى بويىنشا جۇمىس.
اجەم ويۋ ويدى. ( سويلەم ەكەنىن، نەشە سوزدەن تۇراتىنىن ايتقىزۋ)
اجەم سىرماق ويۋلادى.
بالالارعا: - ايۋ ويۋ قويۋ تويۋ سوزدەرىن انىق جانە دۇرىس ايتقىزۋ.

توپپەن جۇمىس
1 توپ: ويۋدىڭ سۋرەتىن سالادى
2 توپ: «سۇر قويان» ولەڭىن ايتىپ، ولەڭ سوزىنە بايلانىستى قيمىل - قوزعالىس جاسايدى
3 توپ: يۋ دىبىسى بار سوزدەر ايتقىزۋ.
« كىم جىلدام» ويىنى
دوپتى ءبىر - بىرىنە لاقتىرا وتىرىپ يۋ دىبىسى بار سويلەم قۇراتۋ

داپتەرمەن جۇمىس. ادەمى، ساۋاتتى ورىنداتۋ
قورىتىندى
1) كوز جۇما وتىرىپ يۋ دىبىسىن جازدىرتۋ
2) ءتىل ۇستارتۋ. جاڭىلتپاش، ولەڭ جاتتاپ ايتقىزۋ ( يۋ - يۋ - يۋ، قورباڭداعان ايۋ)
3) ەرمەكسازدان يۋ دىبىسىن جاساۋ
باعالاۋ
ۇيگە تاپسىرما: يۋ دىبىسى مەن ءارپى.