جاپون كيبەرسپورتشىسى يۋكي كۋريحارا 11 جاسىندا ءوز ەلىندە وتكەن ازيا ويىندارىندا جەڭىسكە جەتىپ، وسى دودا تاريحىنداعى ەڭ جاس چەمپيون اتاندى، دەپ حابارلايدى infohub.kz سايتى.
كۋريحارا «Puzzle» ديسيپليناسىندا ونەر كورسەتتى. جارىس Puyo Puyo Champions ۆيدەوويىنى بويىنشا ءوتتى.
توپتىق كەزەڭدە جاپون ويىنشىسى ءتورت قارسىلاسىنىڭ ءبارىن، سونىڭ ىشىندە قازاقستاندىق الەكساندر پيۆوۆاروۆتى دا جەڭدى. سودان كەيىن پلەي-وففتا كۋريحارا سينگاپۋر (5:0)، تايلاند (10:1) جانە وڭتۇستىك كورەيا (10:2) قارسىلاستارىن كەزەك-كەزەك ويسىراتا جەڭدى.
2015 جىلى 18 ماۋسىمدا دۇنيەگە كەلگەن جاپون ويىنشىسى ازيا ويىندارى تاريحىنداعى ەڭ جاس چەمپيون بولدى. بۇعان دەيىنگى رەكورد حانچجوۋدا (2023 جىل) 13 جاسىندا جەڭىسكە جەتكەن جۇڭگو سكەيتبوردشىسى سۋي چەنسيگە تيەسىلى ەدى.
ال پيۆوۆاروۆ سەنبىدە شيرەك فينالعا شىعۋ ءۇشىن كۇرەستى، ءبىراق جەڭىلىس تاپتى. سونداي-اق قازاقستاننىڭ Pokemon UNITE قۇراماسى دا كۇرەستى اياقتادى — بۇل MOBA (Multiplayer Online Battle Arena) جانرىنداعى ستراتەگيالىق كوماندالىق ويىن. ازامات كادىر، ساردار ەرەكەنيەۆ جانە رافا بەردالى توپتا سوڭعى ورىن الىپ، پلەي-وففقا وتە المادى.