قازاقستاننىڭ ايەلدەر جەكەلەي سىنىنداعى ەكىنشى راكەتكاسى يۋليا پۋتينسەۆا رۋمىنيانىڭ ياسسى قالاسىندا وتكەن WTA 250 ساناتىنداعى ءتۋرنيردىڭ ەكىنشى اينالىمىندا جەڭىسكە جەتتى، دەپ حابارلايدى infohub.kz سايتى.
الەمدىك رەيتينگتە 82-ورىندا تۇرعان جانە توعىزىنشى رەتتىك نومىرگە يە سپورتشى ەكىنشى اينالىم كەزدەسۋىندە الەمنىڭ 118-راكەتكاسى، ارميان قىزى الينا چاراەۆامەن وينادى.
ماچ ەكى سەتكە سوزىلىپ، يۋليانىڭ 6:3، 6:3 ەسەبىمەن جەڭىسىمەن اياقتالدى.
تەننيسشىلەر كورتتا 1 ساعات 35 مينۋت وتكىزدى. وسى ۋاقىت ىشىندە پۋتينسەۆا ءۇش ەيس جاسادى، ءبىر قوس قاتەلىك جىبەردى جانە توعىز برەيك-پوينتتىڭ تورتەۋىن ىسكە اسىردى.
وسىلايشا، پۋتينسەۆا شيرەك فينالعا شىقتى، وندا مىسىر تەننيسشىسى مايار شەريف پەن يسپانيالىق كەيتلين كەۆەدو اراسىنداعى كەزدەسۋدىڭ جەڭىمپازىمەن وينايدى.
ءبىزدىڭ @sportnurkz Telegram-ارنامىزعا جازىلىڭىز. مۇندا ءسىز سپورتتاعى ەڭ سوڭعى جاڭالىقتاردى تابا الاسىز.