قازاقستاننىڭ ايەلدەر اراسىنداعى جەكە سىندا ەكىنشى راكەتكاسى يۋليا پۋتينسەۆا رۋمىنيانىڭ ياسسى قالاسىندا وتكەن ايەلدەر تەننيس قاۋىمداستىعىنىڭ (WTA) 250 ءتۋرنيرىنىڭ شيرەك فينالىندا جەڭىلىس تاپتى، دەپ حابارلايدى infohub.kz.
الەمدىك رەيتينگتە 82-ورىندا تۇرعان ءارى توعىزىنشى نومىرمەن سەبىلگەن سپورتشى مىسىرلىق 97-راكەتكا مايار شەريفپەن كەزدەستى. ويىن ءۇش سەتكە سوزىلىپ، پۋتينسەۆانىڭ 2:6، 6:3، 6:7 (5:7) ەسەبىمەن جەڭىلۋىمەن اياقتالدى.
تەننيسشىلەر كورتتا 3 ساعات 10 مينۋت وتكىزدى. وسى ۋاقىت ىشىندە يۋليا ءبىر ەيس جاسادى، ءبىر قوس قاتەلىك جىبەردى جانە توعىز برەيك-پوينتتىڭ التاۋىن پايدالاندى. وسىلايشا پۋتينسەۆا تۋرنيردەگى ونەرىن شيرەك فينالدا اياقتادى.