قازاقستاندا جەكە ءۇي يەلەرى تەك ءوز ۋچاسكەسىن عانا ەمەس، قورشاۋ سىرتىنداعى اۋماقتى دا تازا ۇستاۋعا مىندەتتى. بۇل تۋرالى زاڭگەر اننا يۋدينا قازاقستاندىقتىڭ سۇراعىنا جاۋاپ بەرە وتىرىپ ايتتى، دەپ حابارلايدى infohub.kz سايتى.
جەكە سەكتور تۇرعىنى بىلاي دەپ سۇرادى: «مەن جەكە سەكتوردا تۇرامىن. جاقىندا ءۇي يەلەرى ءوز قورشاۋىنىڭ سىرتىنداعى بەس مەترگە دەيىنگى اۋماقتى قاداعالاۋى كەرەك ەكەنىن ءبىلدىم. ءبىراق بۇل جەر ماعان تيەسىلى بولماسا، نەگە ءوز ەسەبىمنەن ءشوپ شاۋىپ، قوقىس پەن قار تازالاۋىم كەرەك؟ ول ءۇشىن ايىپپۇل سالۋى مۇمكىن بە؟»
جاڭا ەرەجەلەر بويىنشا، جەكە ءۇي يەسى تەك ءوز ۋچاسكەسىن عانا ەمەس، وعان ىرگەلەس ايماقتى دا قاداعالاۋى ءتيىس. ونى تازا ۇستاۋ قاجەت: قوقىستى جيناۋ، گازون كۇيىن قاداعالاۋ، ءشوپتىڭ قاۋلاپ وسۋىنە جول بەرمەۋ، اۋماقتى قار مەن مۇزدان ۋاقتىلى تازالاۋ.
اۋماقتى ءتيىستى دەڭگەيدە ۇستاماعانى ءۇشىن ءۇي يەسى جاۋاپكەرشىلىككە تارتىلۋى مۇمكىن. «پوليسەي، ۋچاسكەلىك كەلىپ، جەرىڭ لاس دەپ ايتادى. ول مۇنى تىركەپ، اۋداندىق نەمەسە قالالىق اكىمدىككە جىبەرەدى. ويتكەنى بىزدە تەك اۋداندىق جانە قالالىق اكىمدىكتەر عانا حاتتاما تولتىرىپ، جاۋاپكەرشىلىككە تارتۋعا قۇقىلى. ءبىرىنشى رەت ەسكەرتۋ جاسالادى. ال ەكىنشى رەتىندە 20 اەك بولادى»، — دەپ جاۋاپ بەردى زاڭگەر اننا يۋدينا.
سونىمەن قاتار، نورمالار جولعا دەيىنگى جانە ودان ءارى اۋماقتى تازالاۋدى مىندەتتەمەيدى. مىسالى، قورشاۋ مەن جۇرگىنشى جولىنىڭ اراسى ءۇش مەتر بولسا، جاۋاپكەرشىلىك ايماعىنا تەك وسى ۋچاسكە كىرەدى. ال ەگەر قاشىقتىق بەس مەتردەن اسسا، ءۇي يەسىن بۇكىل اۋماقتى ۇستاۋعا مىندەتتەۋ تەك شەنەۋنىكتەر تاراپىنان قوسىمشا جازباشا تالاپتار بولعان جاعدايدا عانا مۇمكىن.