شىعىس قازاقستان وبلىسىندا ءبىر جاس جىگىت جۇرگىزۋ كۋالىگىن الۋ ۇمىتىمەن بارلىعى 6،6 ملن تەڭگە اۋدارىپ، ەش ناتيجەگە قول جەتكىزبەدى، دەپ حابارلايدى infohub.kz سايتى.
وبلىستىق پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، زايساندا تۇراتىن 2005 جىلى تۋعان تۇرعىن پوليسياعا ارىزدانىپ، تانىسىنىڭ جۇرگىزۋ كۋالىگىن راسىمدەيمىن دەگەن سىلتاۋمەن 6 ميلليون تەڭگەدەن استام قاراجاتىن يەلەنىپ العانىن حابارلاعان.
جابىرلەنۋشىنىڭ ايتۋىنشا، بيىلعى اقپان ايىندا ول الماتى وبلىسىنداعى اسكەري بولىمدەردىڭ بىرىندە مەرزىمدى اسكەري قىزمەتىن وتەپ جۇرگەن تانىسىمەن قايتا بايلانىسقان. حات الماسۋ بارىسىندا تانىسى الماتىداعى ارنايى حقكو-دا جۇمىس ىستەيتىنىن جانە جۇرگىزۋ كۋالىگىن راسىمدەۋگە كومەكتەسە الاتىنىن ايتقان.
ۋادەگە سەنىپ، ارىزدانۋشى الدىمەن قۇجات الۋ ءۇشىن كەلىسىلگەن سومانى اۋدارعان. كەيىن الاياق ءارتۇرلى سىلتاۋلارمەن بىرنەشە رەت قوسىمشا اقشا اۋدارۋدى وتىنگەن. ناتيجەسىندە جابىرلەنۋشى 6،6 ميلليون تەڭگەدەن استام اقشا اۋدارعان، ونىڭ ءبىر بولىگى بەلگىسىز ادامداردىڭ شوتتارىنا جىبەرىلگەن. وسى فاكتى بويىنشا سوتقا دەيىنگى تەرگەۋ ءجۇرىپ جاتىر.