قىتايلىق Zeekr ءاۆتوندىرۋشىسى نينبو قالاسىنداعى زاريادتاۋ ستانسياسىندا Zeekr 7X ەلەكتر كروسسوۆەرىنىڭ ورتەنۋىنە قاتىستى تۇسىنىكتەمە بەردى، دەپ حابارلايدى infohub.kz.
كومپانيانىڭ الدىن الا دەرەكتەرى بويىنشا، اۆتوكولىك بۇعان دەيىن اۋىر جول-كولىك وقيعاسىنا ۇشىراعان. الايدا اپاتتان كەيىن ول Zeekr رەسمي سەرۆيس ورتالىعىندا تەكسەرۋدەن جانە جوندەۋدەن وتپەگەن. ءورتتىڭ ناقتى سەبەبى ءقازىر انىقتالىپ جاتىر.
جاريالانعان كادرلاردا Zeekr 7X زاريادتاۋ ستانسياسىنىڭ جانىندا تۇرعانىن، ءبىراق وعان قوسىلماعانىن كورۋگە بولادى. ورتتەن بۇرىن ەلەكتروكولىكتەن شەرتكەن دىبىستار ەستىلگەن، سودان كەيىن تۇبىنەن ۇشقىن مەن جالىن شىققان. ءورت تەز ارادا ءسوندىرىلدى، ەشكىم زارداپ شەككەن جوق.
Zeekr كومپانياسى اۋىر جكو-دان كەيىن اككۋمۋلياتوردى، جوعارى ۆولتتى جۇيەنى جانە اۆتوكولىك كۋزوۆىن تەكسەرۋ قاجەتتىگىن اتاپ ءوتتى. دۇرىس جوندەۋ جۇرگىزبەۋ نەمەسە قاجەتتى دياگنوستيكانىڭ بولماۋى قاۋىپسىزدىككە ءقاۋىپ ءتوندىرۋى مۇمكىن.
سونداي-اق كومپانيا قولدانىلعان ەلەكتروموبيل ساتىپ الۋشىلارعا اپاتتار مەن جوندەۋ تاريحىن، سونداي-اق تارتقىش باتارەيا مەن جوعارى ۆولتتى جۇيەنىڭ كۇيىن تەكسەرۋدى ۇسىندى.
Zeekr 7X تەك قىتايدا عانا ەمەس، سونىمەن قاتار قازاقستاندى قوسا العاندا، شەتەلدىك نارىقتاردا دا ساتىلادى. 2025 جىلى مودەل Euro NCAP-تان بەس جۇلدىز الدى.
بۇعان دەيىن قازاقستانداعى Zeekr 9X وقيعاسىنان كەيىن كومپانيا ەلەكتروموبيلدىڭ بۇعاتتاۋ جۇيەسىن وزگەرتۋگە ۋادە بەرگەنى حابارلانعان بولاتىن.