ۋكراينا پرەزيدەنتى ۆلاديمير زەلەنسكي باتىس ۆلاديمير پۋتينگە قىسىم كورسەتىپ، سوعىستى توقتاتۋى كەرەك دەپ مالىمدەدى، دەپ حابارلايدى infohub.kz.
ۆلاديمير زەلەنسكي كييەۆ ۆاشينگتونعا بەيبىت پروسەسكە قاتىستى جاڭا ۇسىنىستار جىبەرگەنىن ايتتى. زەلەنسكيدىڭ پىكىرىنشە، ەگەر اقش بۇل ماسەلەنى شەشۋگە بارىنشا بەلسەندى ارالاسسا، ونى قالپىنا كەلتىرۋگە تولىق مۇمكىندىك بار.
ونىڭ ايتۋىنشا، ۆلاديمير پۋتينگە قىسىم جاساۋ شىنىمەن ناتيجە بەرە الادى، اسىرەسە بۇل اق ءۇي تاراپىنان بولسا.
«بىزگە بەيبىت جوسپارعا امەريكاندىق تاراپتىڭ كوبىرەك قاتىسۋى قاجەت. ترامپ پرەزيدەنتىنىڭ كومانداسىنا جالعاستىرعىسى كەلەتىنى ءۇشىن ريزامىن. پۋتين ءقازىر بۇل سوعىستى توقتاتقىسى كەلمەيدى، ءارى وعان ءقازىر جەتكىلىكتى قىسىم جوق»، – دەدى زەلەنسكي.
سونىمەن قاتار، ول ۋكراينانىڭ دونباسستان ءوز اسكەرىن شىعارۋى مۇمكىن سەناريدى تاعى دا جوققا شىعاردى. ۋكراينا كوشباسشىسى كييەۆ ءۇشىن باستى ماسەلە – قاۋىپسىزدىك كەپىلدىكتەرى ەكەنىن ەسكە سالدى.
«باس ماسەلە – ول (پۋتين – رەد.) ۇلكەن ۇزىلىستەن كەيىن تاعى بىر-ەكى ميلليون سولداتپەن قايتىپ كەلمەۋىنە نە كەپىلدىك؟ ول ءبىزدى قايتا باسىپ الۋ ءۇشىن كەلمەي مە؟» – دەپ قوستى زەلەنسكي.