ۋكراينا پرەزيدەنتى ۆلاديمير زەلەنسكي قازاقستان پرەزيدەنتى قاسىم-جومارت توقاەۆقا ۋكراينا تاۋەلسىزدىگىنىڭ 35 جىلدىعىمەن قۇتتىقتاعانى ءۇشىن العىس ءبىلدىردى، دەپ حابارلايدى infohub.kz سايتى.
زەلەنسكي الەۋمەتتىك جەلىدەگى X پاراقشاسىندا جاۋاپ جولداۋ جاريالاپ، ەكى ەل اراسىنداعى دوستىق قارىم-قاتىناستاردىڭ ماڭىزدىلىعىن اتاپ ءوتتى. "قۇرمەتتى پرەزيدەنت توقايەۆ، جىلى لەبىزدەرىڭىز ءۇشىن العىسىمدى بىلدىرەمىن. ۋكراينا قازاقستانمەن ءوزارا قۇرمەت، تۇسىنىستىك جانە حالىقتارىمىز اراسىنداعى كونە بايلانىستارعا نەگىزدەلگەن دوستىق قارىم-قاتىناستاردى جوعارى باعالايدى. ءبىز ىنتىماقتاستىعىمىزدى ودان ءارى نىعايتۋعا بەل بۋعانبىز. سىزگە زور تابىستار، ال دوستىق قازاقستان حالقىنا بەيبىتشىلىك، اماندىق جانە گۇلدەنۋ تىلەيمىن"، — دەپ جازدى ول.
ەسكە سالايىق، بۇعان دەيىن قاسىم-جومارت توقايەۆ ۆلاديمير زەلەنسكيدى ۋكراينا تاۋەلسىزدىگىنىڭ 35 جىلدىعىمەن قۇتتىقتاپ، ۋكراين حالقىنا بەيبىتشىلىك، اماندىق جانە گۇلدەنۋ تىلەگەن ەدى.