قازاقستان ىشكى ىستەر مينيسترلىگى ۆەدومستۆولىق وقۋ ورىندارىنا قابىلداۋ تۋرالى جالعان SMS-حابارلامالار تاراعانى تۋرالى ەسكەرتتى. بۇل حابارلامالار مينيسترلىككە قاتىسى جوق، دەپ حابارلايدى infohub.kz سايتى.
ءىىم دەرەكتەرىنشە، قابىلداۋ ناۋقانى ءالى جالعاسۋدا، كونكۋرستىق ىرىكتەۋدىڭ بارلىق كەزەڭدەرى اياقتالماعان. قابىلداۋ بەلگىلەنگەن مەرزىمدە — 15-25 شىلدە ارالىعىندا جۇرگىزىلۋدە. سوڭعى ناتيجەلەر تەك Qyzmet police اقپاراتتىق جۇيەسىندەگى ۇمىتكەرلەردىڭ جەكە كابينەتتەرىندە، بارلىق كەزەڭدەر اياقتالىپ، قابىلداۋ كوميسسيالارىنىڭ شەشىمدەرى شىققاننان كەيىن عانا قولجەتىمدى بولادى.
ۆەدومستۆو ازاماتتاردى مۇنداي حابارلامالارعا سەنبەۋگە، سىلتەمەلەر بويىنشا وتپەۋگە، جەكە دەرەكتەرىن حابارلاماۋعا جانە تەك رەسمي اقپاراتتى پايدالانۋعا شاقىردى.
بۇعان دەيىن قازاقستاندىق جۇرگىزۋشىلەرگە اقىلى جولدارمەن ءجۇرۋ ءۇشىن جالعان ايىپپۇلدار كەلگەنى حابارلانعان بولاتىن.