قازاقستاندىق ارالاس جەكپە-جەك شەبەرى جالعاس جۇماعۇلوۆ الەۋمەتتىك جەلىدەگى X پاراقشاسىندا شاۆقات راحمونوۆپەن بۇرىن تۇسكەن بىرلەسكەن سۋرەتىن جاريالاپ، UFC چەمپيوندىق بەلبەۋىنە بۇرىنعى ۇمىتكەرگە ۇندەۋ جاسادى، دەپ حابارلايدى infohub.kz.
جۇماعۇلوۆ جاريالاعان سۋرەتتە ەكى سپورتشى دا سپورتزالدا وزدەرىنىڭ فيزيكالىق دايىندىقتارىن كورسەتىپ تۇر. فوتونىڭ استىنا جالعاس: «وتكەندەگى فوتو. ەڭ جاقسىسى ءالى الدا. ساعان تەز ايىعۋدى تىلەيمىن، باۋىرىم. ينشااللاھ، سەن قايتاسىڭ جانە وزىڭە تيەسىلىنى الاسىڭ»، — دەپ جازدى.
ەسكە سالايىق، كەشە شاۆقات راحمونوۆتىڭ وتباسىندا قايعىلى وقيعا بولعانى بەلگىلى بولدى — اكەسى قايتىس بولدى. باقتىباي الپامىسوۆ 2 تامىزدا 65 جاسىندا ومىردەن وزدى.
بۇعان دەيىن راحمونوۆتىڭ باپكەرى بۇكىل سپورتشىنىڭ 2026 جىلى UFC-گە ورالا المايتىنىن مالىمدەگەن ەدى. شاۆقاتتىڭ سوڭعى جەكپە-جەگى 2024 جىلدىڭ جەلتوقسانىندا UFC 310 تۋرنيرىندە ءوتىپ، وندا ول يرلانديالىق يەن ماچادو گەرريدى ءبىراۋىزدان شەشىممەن جەڭىپ، ءوزىنىڭ رەكوردىن — جەڭىلىسسىز 19 جەڭىستى ساقتاپ قالدى. وسىدان كەيىن چەمپيوندىق بەلبەۋ ءۇشىن جەكپە-جەككە شىعۋى ءتيىس قازاقستاندىق دەنساۋلىعىنا بايلانىستى ۇزاق ۋاقىت وكتاگونعا شىقپاي، UFC جارتىلاي ورتا سالماق دارەجەسىنىڭ ۇزدىك رەيتينگىنەن شىعىپ قالدى. ءقازىر شاۆقاتقا جول بەرگەن گەرري ەكى ءىرى جەڭىستەن كەيىن تيتۋلدىق جەكپە-جەككە دايىندالۋدا.