جامبىل وبلىسىندا جۇك پويىزى رەلس جولىنا شىعىپ كەتكەن 70 قويدى قاعىپ كەتتى، مال يەسى اكىمشىلىك جاۋاپكەرشىلىككە تارتىلدى، دەپ حابارلايدى infohub.kz سايتى.
وقيعا «جۇما-تامدى» ارالىعىندا بولعان. كولىكتەگى پوليسيا دەپارتامەنتىنىڭ ناقتىلاۋىنشا، وسى فاكتى بويىنشا مال يەسىنە — تاراز قالاسىنىڭ 66 جاستاعى تۇرعىنىنا — تەمىر جولدىڭ قورعاۋ الابىندا مال جايۋ ەرەجەلەرىن بۇزعانى ءۇشىن اكىمشىلىك حاتتاما تولتىرىلدى.
ۆەدومستۆو سونداي-اق ستاتيستيكا كەلتىردى: اعىمداعى جىلدىڭ باسىنان بەرى پويىزداردىڭ شۇعىل تەجەلۋىنىڭ 1 166 فاكتىسى تىركەلسە، ونىڭ 881ء-ى ءۇي جانۋارلارىنىڭ تەمىر جولعا شىعۋىنا بايلانىستى.
«كولىك پوليسەيلەرى ءۇي جانۋارلارىنىڭ يەلەرىن تەمىر جول ماڭىندا مالدى باقىلاۋسىز جايۋعا جول بەرمەۋگە جانە بەلگىلەنگەن ەرەجەلەردى قاتاڭ ساقتاۋعا شاقىرادى. ەسىڭىزدە بولسىن: جانۋارلاردىڭ قاۋىپسىزدىگى ءۇشىن جاۋاپكەرشىلىك ەڭ الدىمەن ولاردىڭ يەلەرىنە جۇكتەلەدى. مالدىڭ تەمىر جولعا ءبىر رەت باقىلاۋسىز شىعۋى اپاتتى جاعدايعا، ماتەريالدىق شىعىنعا اكەپ سوعىپ، ادامداردىڭ ءومىرى مەن دەنساۋلىعىنا ءقاۋىپ ءتوندىرۋى مۇمكىن»، — دەدى ۆەدومستۆودا.