جامبىل وبلىسىندا 62 جاستاعى ەر ادام بىرنەشە جىل بويى بۇرىنعى ازاماتتىق جۇبايىنىڭ ۇيىنە كەلىپ، جانجال شىعارىپ، كۇش قولدانعان. قورعاۋ نۇسقاماسىن بۇزعانى ءۇشىن سوت ونى 10 تاۋلىككە اكىمشىلىك قاماۋعا الۋ جازاسىن تاعايىندادى، دەپ حابارلايدى infohub.kz سايتى.
NUR.KZ اگەنتتىگىنىڭ وبلىس پروكۋراتۋراسىنا سىلتەمە جاساپ حابارلاۋىنشا، اعىمداعى جىلدىڭ باسىنان بەرى جامبىل اۋدانىندا ءبىر مەكەنجاي بويىنشا وتباسىلىق-تۇرمىستىق جانجالدار تۋرالى ءتورت رەت حابارلاما تۇسكەن.
«62 جاستاعى ەر ادام بىرنەشە جىل بويى بۇرىنعى ازاماتتىق جۇبايىنىڭ تۇرعىلىقتى جەرىنە بىرنەشە رەت كەلىپ، جانجال شىعارعانى، وتباسى مۇشەلەرىنە قورقىتۋ جاساعانى جانە مۇگەدەكتىگى بار ايەلگە كۇش قولدانعانى انىقتالدى»، — دەدى وبلىس پروكۋراتۋراسىندا.
بۇعان دەيىن ەر ادام اكىمشىلىك جاۋاپكەرشىلىككە تارتىلىپ، وعان قاتىستى قورعاۋ نۇسقاماسى شىعارىلعان بولاتىن. وسىعان قاراماستان ول ونىڭ تالاپتارىن قايتا بۇزدى.
پروكۋراتۋرانىڭ جۇمىسى ناتيجەسىندە بۇزۋ فاكتىسىنە قۇقىقتىق باعا بەرىلدى. اۋداندىق سوتتىڭ 2026 جىلعى 4 تامىزداعى قاۋلىسىمەن ەر ادام قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 461-بابى بويىنشا كىنالى دەپ تانىلىپ، 10 تاۋلىككە اكىمشىلىك قاماۋعا الىندى.