جامبىل وبلىسىنىڭ مويىنقۇم اۋدانىندا جەرگىلىكتى تۇرعىن كامەلەتكە تولماعان بالاسى جاساعان قۇقىق بۇزۋشىلىق ءۇشىن اكىمشىلىك جاۋاپكەرشىلىككە تارتىلدى. ءجاسوسپىرىم مەكتەپتە بوپسالاۋ جانە بۋللينگپەن اينالىسقان، دەپ حابارلايدى infohub.kz سايتى.
2026 جىلى مامىردا اۋىل مەكتەپتەرىنىڭ بىرىندە 9-سىنىپ وقۋشىسى بىرنەشە 8-سىنىپ وقۋشىسىنا قاتىستى بۋللينگ جاساپ، ولاردان اقشا تالاپ ەتكەن. كىنالى قىلمىستىق نەمەسە تولىق اكىمشىلىك جاۋاپكەرشىلىككە تارتىلاتىن جاسقا تولماعاندىقتان (بۋللينگتى 12-16 جاس ارالىعىنداعى ءجاسوسپىرىم جاساعان)، حاتتاما ونىڭ اناسىنا قاتىستى جاسالدى.
سوتتا ازاماتشا ج. كىناسىن تولىق مويىنداپ، ءىستىڭ بارلىق ءمان-جايىن راستاپ، ۇلىنىڭ ءتارتىبىن باقىلاۋدى كۇشەيتۋگە ۋادە بەردى. سوت ايەلدى اكىمشىلىك قۇقىق بۇزۋشىلىق تۋرالى كودەكستىڭ 127-2-بابىنىڭ 3-بولىگى بويىنشا («كامەلەتكە تولماعاننىڭ بۋللينگ جاساۋى») كىنالى دەپ تانىپ، وعان 43 مىڭ تەڭگە (10 اەك) مولشەرىندە ايىپپۇل سالدى.
قاۋلى زاڭدى كۇشىنە ەنگەن. سوت ءىس بويىنشا اۋىرلاتاتىن نەمەسە جەڭىلدەتەتىن ءمان-جايلاردى انىقتاعان جوق.