جامبىل وبلىسىندا پوليسەيلەر ەسىرتكىنىڭ زاڭسىز اينالىمىنا قارسى ارنايى وپەراسيا جۇرگىزىپ، ناتيجەسىندە 600 كەلىگە جۋىق ەسىرتكى زاتى تاركىلەنىپ، ءۇش كۇدىكتى ۇستالدى، دەپ حابارلايدى infohub.kz سايتى.
ءىىم اقپاراتتىق مەدياپورتالىنىڭ مالىمەتىنشە، جامبىل وبلىسى پوليسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ق ر ءىىم كولىكتەگى پوليسيا دەپارتامەنتىنىڭ ارىپتەستەرىمەن، №5513 اسكەري ءبولىمىنىڭ «بەركۋت» ارنايى ماقساتتاعى جاساعىنىڭ اسكەري قىزمەتشىلەرىمەن جانە جامبىل وبلىسى پد كينولوگيالىق ورتالىعىنىڭ ينسپەكتور-كينولوگىمەن بىرلەسىپ، وبلىس پروكۋراتۋراسىنىڭ ۇيلەستىرۋىمەن جەدەل-ىزدەستىرۋ ءىس-شارالارىن جۇرگىزدى.
ەسىرتكىنى ىزدەۋگە لەتتا ەسىمدى قىزمەتتىك-ىزدەستىرۋ ءيتى جۇمىلدىرىلدى.
جەدەل ءىس-شارالار ناتيجەسىندە قونايەۆ اۋىلىنان شامامەن 10 شاقىرىم جەردەگى قۇمدى ايماقتا پوليسەيلەر ءۇش ەر ادامدى ۇستادى. ولار الدىن الا دەرەكتەر بويىنشا، ەرەكشە ءىرى مولشەردە ەسىرتكى قۇرامداس وسىمدىكتەردى زاڭسىز جيناۋمەن اينالىسقان. اۋماقتى تەكسەرۋ كەزىندە پوليسەيلەر 595 كەلى 440 گرامم ەسىرتكى زاتتارى مەن ەسىرتكى قۇرامداس وسىمدىكتەردى تاركىلەدى. سونىمەن قاتار، وسىمدىكتەردى جيناۋعا پايدالانىلۋى مۇمكىن ءۇش وراق الىندى.
وسى فاكتى بويىنشا سوتقا دەيىنگى تەرگەۋ باستالدى. كۇدىكتىلەر ۋاقىتشا ۇستاۋ يزولياتورىنا قامالدى.