باتىس ەۋروپا — باتىس جۇڭگو تراسساسىندا جامبىل وبلىسىنىڭ پوليسيا قىزمەتكەرلەرى جولدا بۇزىلىپ قالعان وزبەكستاننان كەلگەن جاس فۋتبولشىلارعا كومەككە كەلدى. وقيعا جۋالى اۋدانىنداعى نۇرلىكەنت اۋىلىنىڭ ماڭىنداعى 568-شاقىرىمدا بولعان، دەپ حابارلايدى infohub.kz.
كولىكتە وزبەكستاننىڭ 42 ازاماتى — 37 بالا جانە بەس ەرەسەك جەتەكشى بولعان. كوماندا قىرعىزستانداعى حالىقارالىق فۋتبول تۋرنيرىنە قاتىسىپ، ۇيىنە قايتىپ كەلە جاتقاندا بۇزىلعان.
وقيعا تۋرالى حابارلاما بويىنشا كەلگەن پوليسەيلەر دەرەۋ ەۆاكۋاسيانى ۇيىمداستىردى. بالالاردى كۇننىڭ ىستىعىنان قورعاۋ ءۇشىن ولاردى جەتەكشىلەرىمەن بىرگە نۇرلىكەنت اۋىلىنداعى مادەنيەت ۇيىنە جەتكىزدى. «قوناقتارعا ىستىق تاماق ۇيىمداستىرىلىپ، اۋىز سۋ بەرىلىپ، دەمالۋعا بارلىق جاعداي جاسالدى»، — دەپ حابارلادى Polisia.kz.
قوسالقى اۆتوبۋس كەلگەننەن كەيىن جاس سپورتشىلار وتاندارىنا قاراي جولىن جالعاستىردى. پوليسياداعىلاردىڭ ايتۋىنشا، قىزمەتكەرلەردىڭ جىلدام ءارى ۇيلەسىمدى ارەكەتىنىڭ ارقاسىندا جاعداي ەش زارداپسىز شەشىلگەن. وقيعا سالدارىنان ەشبىر بالا زارداپ شەككەن جوق.