شۋ قالاسىنىڭ 46 جاستاعى تۇرعىنى پويىزدىڭ استىنا ءتۇسىپ قالدى. ءقازىر دارىگەرلەر ونىڭ ءومىرى ءۇشىن كۇرەسۋدە. جابىرلەنۋشىگە كوپتەگەن سىنىقتار دياگنوزى قويىلدى، دەپ حابارلايدى كتك تەلەارناسىنىڭ سايتىنا سىلتەمە جاساپ infohub.kz.
وقيعا شۋ قالاسىنداعى ستانسيا ماڭىندا بولعان. كوزاۋشىلەردىڭ ايتۋىنشا، 46 جاستاعى ايەل جولدى كەسىپ ءوتىپ بارا جاتقاندا، جۇك پويىزىنىڭ ءبىر بولىگى ونى قاعىپ كەتكەن. پلاتفورما پويىزدان بولەك قوزعالعان.
وقيعانىڭ ءمان-جايىن پوليسيا قىزمەتكەرلەرى انىقتاپ جاتىر.
سوققى سالدارىنان جابىرلەنۋشى كوپتەگەن سىنىقتار جانە ىشكى اعزالاردىڭ جاراقاتتارىن العان. قازىرگى ۋاقىتتا ول رەانيماسيادا جاتىر.
«ءالى كۇنگە دەيىن شوكقا قارسى تەراپيا جۇرگىزىلۋدە. تەلەفون ارقىلى نەيروحيرۋرگتەر، توراكالدى حيرۋرگتەرمەن تەلەمەديسينا ۇيىمداستىرىلىپ، ەمدەۋ كەلىسىلگەن. قازىرگى ۋاقىتتا ناۋقاس ءالى تاسىمالداۋعا جارامسىز دەپ ەسەپتەلەدى»، — دەدى شۋ كوپبەيىندى ورتالىق اۋداندىق اۋرۋحاناسى باس دارىگەرىنىڭ مىندەتىن اتقارۋشى ورىنباسارى قاھارمان سافاروۆ.