جاڭا ماسكەۋدە وقۋشى مەكتەپكە سۋىق قارۋ اكەلىپ، مۇعالىمگە شابۋىل جاسادى. شابۋىلداۋشى كۇزەتشىلەر تاراپىنان زالالسىزداندىرىلدى، دەپ حابارلايدى infohub.kz.
جاڭا ماسكەۋدەگى №1392 مەكتەپتىڭ ديرەكتورى دەنيس باحارەۆتىڭ ايتۋىنشا، تاڭەرتەڭ دەنساۋلىعىندا ەرەكشەلىگى بار وقۋشى عيماراتقا سۋىق قارۋمەن كەلىپ، مۇعالىمگە شابۋىل جاساماق بولعان. ونىڭ سوزىنشە، ءجاسوسپىرىمدى كۇزەتشىلەر دەرەۋ زالالسىزداندىرعان.
شابۋىل سالدارىنان ءمۇعالىم بەتكى جاراقات الدى. وعان قاجەتتى مەديسينالىق كومەك كورسەتىلۋدە، ومىرىنە ءقاۋىپ جوق. مەكتەپتە پوليسيا جۇمىس ىستەپ جاتىر، ىشكى تەرگەۋ جۇرگىزىلۋدە.
رەسەي ءىىم-نىڭ ماسكەۋ بويىنشا باس باسقارماسىنىڭ ءباسپاسوز قىزمەتى وقيعا تۋرالى اقپارات ولارعا تۇسپەگەنىن مالىمدەپ، تەرگەۋ كوميتەتىنە جۇگىنۋدى ۇسىندى. ال ماسكەۋ بويىنشا تەرگەۋ كوميتەتىنىڭ باس تەرگەۋ باسقارماسىندا تۇسىنىكتەمە بەرۋدەن باس تارتتى.