ماڭعىستاۋ وبلىسىندا جاڭاوزەننىڭ 34 جاستاعى تۇرعىنى TikTok-تا تىكەلەي ەفيردە بالاعات سوزدەر قولدانعانى ءۇشىن اكىمشىلىك جاۋاپكەرشىلىككە تارتىلدى، دەپ حابارلايدى infohub.kz.
وقيعا 2026 جىلدىڭ 3 تامىزىندا بولعان. ەر ادام الەۋمەتتىك جەلىدەگى ءوز پاراقشاسىندا تىكەلەي ەفيردە بالاعات سوزدەردى قولدانىپ، اينالاسىنداعىلارعا قۇرمەتسىزدىك تانىتىپ، قوعامدىق ءتارتىپتى بۇزعان.
كەلەسى كۇنى، 4 تامىزدا، پوليسيا قىزمەتكەرلەرى قۇقىق بۇزۋشىعا قاتىستى قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 434-بابىنىڭ 2-بولىگىنە (ۇساق بۇزاقىلىق) سايكەس اكىمشىلىك حاتتاما جاساعان.
6 تامىزدا جاڭاوزەن قالالىق سوتىنىڭ قاۋلىسىمەن ەر ادام كىنالى دەپ تانىلىپ، 15 تاۋلىككە اكىمشىلىك قاماققا الىندى. سوت شەشىمى شىققاننان كەيىن ول ارنايى قابىلداعىشقا جەتكىزىلدى.
ماڭعىستاۋ وبلىسى پوليسيا دەپارتامەنتىندە الەۋمەتتىك جەلىلەر زاڭنان تىس كەڭىستىك ەمەس ەكەنىن ەسكە سالدى. «بالاعات سوزدەردى كوپشىلىك الدىندا قولدانۋ، قورلايتىن مىنەز-ق ۇلىق جانە قوعامدىق ءتارتىپتى بۇزاتىن وزگە دە ارەكەتتەر قازاقستان رەسپۋبليكاسىنىڭ زاڭناماسىندا كوزدەلگەن جاۋاپكەرشىلىككە اكەپ سوعادى. ازاماتتاردى ناقتى ومىردە دە، ينتەرنەت-كەڭىستىكتە دە قوعامدىق مىنەز-ق ۇلىق نورمالارىن ساقتاۋعا شاقىرامىز»، — دەدى ۆەدومستۆودا.