الماتىدا بۇگىننەن باستاپ جاندوسوۆ كوشەسىن جوندەۋگە بايلانىستى قوزعالىس شەكتەلدى، دەپ حابارلايدى infohub.kz سايتى.
اكىمدىكتىڭ مالىمەتىنشە، جاندوسوۆ كوشەسىن ورتاشا جوندەۋگە بايلانىستى ۋاقىتشا قوزعالىس شەكتەۋلەرى ەنگىزىلەدى. 21 شىلدە ساعات 20:00-دەن 1 تامىز ساعات 06:00-گە دەيىن داۋلەتكەرەي كوشەسىنەن قالا شەكاراسىنا دەيىنگى ۋچاسكەدە رەۆەرسيۆتى قوزعالىس ۇيىمداستىرىلادى.
«جول قوزعالىسىنا قاتىسۋشىلاردى ۋاقىتشا قولايسىزدىقتاردى تۇسىنىستىكپەن قابىلداۋعا، ۋاقىتشا جول بەلگىلەرىنىڭ تالاپتارىن جانە جىلدامدىق رەجيمىن ساقتاۋعا شاقىرامىز. جوندەۋ جۇمىستارىنىڭ مەرزىمى اۋا رايىنا بايلانىستى وزگەرۋى مۇمكىن»، — دەپ ەسكەرتتى اكىمدىك.