ۆەللينگتون ماڭىنداعى جاڭا زەلانديا جاعالاۋىندا قوڭىر پومورنيكتەن H5N1 قۇس تۇماۋى ۆيرۋسى انىقتالدى. بۇل ەلدەگى تەڭىز قونىس اۋداراتىن قۇستار اراسىندا بۇل شتاممنىڭ العاشقى تىركەلگەن جاعدايى، دەپ حابارلايدى infohub.kz Reuters-كە سىلتەمە جاساپ.
سىناق وڭ ناتيجە كورسەتكەنىمەن، جاڭا زەلانديادا قۇستاردىڭ جاپپاي قىرىلۋى نەمەسە جابايى جانە ءۇي قۇستارى اراسىندا ۆيرۋستىڭ تارالۋ بەلگىلەرى جوق. ساقتىق شاراسى رەتىندە بيلىك سيرەك كەزدەسەتىن تۇرلەرگە ۆاكسيناسيا باعدارلاماسىن باستادى: ەلىمىزدە تىرشىلىك ەتەتىن بەس وسال تۇردەن 300 قۇس ەكپە الادى.
ەسكە سالا كەتەيىك، ءبىر اي بۇرىن اۆستراليادا قۇس تۇماۋىنىڭ ءقاۋىپتى شتاممى انىقتالعان ەدى. الدىن الا مالىمەتتەر بويىنشا، وندا 14 جۇقتىرۋ جاعدايى تىركەلگەن.