قازاقستاندىق بوكسشى جانىبەك ءالىمحان ۇلى دۇنيەجۇزىلىك بوكس ۇيىمىنىڭ (WBO) ەكىنشى ورتا سالماقتاعى رەيتينگىندە ءبىرىنشى ورىنعا كوتەرىلدى، دەپ حابارلايدى infohub.kz سايتى.
بۇعان دەيىن ءالىمحان ۇلى بۇل رەيتينگتە ەكىنشى ورىندا تۇرعان ەدى. سونىمەن قاتار، WBO جاقىندا قازاقستاندىقتى ۇيىمنىڭ قازىرگى چەمپيونى بريتاندىق حامزا شيرازعا تيەسىلى تيتۋلعا مىندەتتى ۇمىتكەر ەتىپ تاعايىندادى. رەيتينگ جاڭارعانعا دەيىن مەكسيكالىق ساۋل «كانەلو» الۆارەس كوش باستاپ تۇرعان، الايدا ول WBO تىزىمىنەن شىعارىلدى.
الۆارەستىڭ كەلەسى جەكپە-جەگى 12 قىركۇيەكتە ەر-ريادتا (ساۋد ارابياسى) جەڭىلىسى جوق فرانسۋز كريستيان مبيلليگە قارسى وتەدى. بۇل جەكپە-جەكتە مبيلليگە تيەسىلى WBC ەكىنشى ورتا سالماقتاعى بەلبەۋى تىگىلەتىن بولادى.
ەسكە سالايىق، بۇعان دەيىن ءالىمحان ۇلى ورتا سالماقتا ونەر كورسەتىپ، WBO جانە IBF چەمپيوندىق بەلبەۋلەرىنە يە بولعان. 2025 جىلدىڭ سوڭىندا ونىڭ WBA چەمپيونى ەريسلاندي لارامەن بىرىكتىرۋ جەكپە-جەگى قازاقستاندىقتىڭ دوپينگ-سىناماسى وڭ ناتيجە بەرگەندىكتەن وتپەي قالدى. كەيىن ءالىمحان ۇلى IBF تيتۋلىنان ايىرىلدى، ال WBO ونى ءبىر جىلعا ديسكۆاليفيكاسيالاپ، چەمپيوندىق بەلبەۋىن ساقتاپ قالدى. كەيىنىرەك ۇيىم ديسكۆاليفيكاسيانى الىپ تاستادى. شىلدەدە ءالىمحان ۇلى ورتا سالماقتاعى WBO بەلبەۋىنەن ءوز ەركىمەن باس تارتىپ، ەكىنشى ورتا ديۆيزيونعا اۋىساتىنىن مالىمدەدى.