قازاقستاندىق سپورتشى، قوستانايلىق جانيا بەكمۋحامبەتوۆا وزبەكستان استاناسى تاشكەنتتە ءوتىپ جاتقان WTT Youth Contender Tashkent II حالىقارالىق ۇستەل تەننيسى تۋرنيرىندە جەڭىسكە جەتتى. 13 جاسقا دەيىنگى ساناتتا ول بارلىق كەزدەسۋلەردە جەڭىلىسسىز ءوتىپ، التىن مەدالدى يەلەندى، دەپ حابارلايدى infohub.kz.
قازاقستان رەسپۋبليكاسى ۇستەل تەننيسى فەدەراسياسىنىڭ مالىمەتىنشە، جانيا بەكمۋحامبەتوۆا باپكەر يۋليا دانياروۆانىڭ جەتەكشىلىگىمەن ءتۋرنيردى سەنىمدى تۇردە وتكىزىپ، قاتارىنان جەتى جەڭىسكە قول جەتكىزدى. چەمپيون اتاعىنا دەيىنگى جولدا ول ءتورت وزبەكستاندىق، ەكى ءۇندىستاندىق جانە ءبىر تۇرىكمەنستاندىق قارسىلاستى تىزە بۇكتىرىپ، جوعارى دەڭگەيدەگى دايىندىعى مەن شەبەرلىگىن دالەلدەدى.
WTT Youth Contender Tashkent II تۋرنيرىندەگى بۇل جەڭىس قازاقستاندىق سپورتشىلاردىڭ حالىقارالىق ارەناداعى تاعى ءبىر تابىستى ونەرى بولىپ، قازاقستان قۇراماسىنا ۇستەل تەننيسىنەن بەدەلدى جاستار ءتۋرنيرىنىڭ التىن مەدالىن اكەلدى.