جاڭاوزەن قالاسىندا «جارقىن بولاشاق» باعدارلاماسىنا قاتىسۋشىلار ءۇشىن سالتاناتتى شارا ءوتتى، دەپ حابارلايدى infohub.kz سايتى.
333 ادامنىڭ 77ء-سى مەكتەپتى، ال 256-سى كوللەدجدى ءبىتىرىپ، تەحنيكالىق، ەكونوميكالىق جانە گۋمانيتارلىق ماماندىقتارعا يە بولدى. سونداي-اق ولاردىڭ اراسىندا دەنساۋلىق ساقتاۋ سالاسىنىڭ بولاشاق ماماندارى مەن سپورتشىلار بار.
جوبانى «قازمۇنايگاز» ۇك اق جۇزەگە اسىرادى. بەس جىل بويى ماڭعىستاۋ وبلىسىنىڭ بالالارى ەلىمىزدىڭ ءتۇرلى وقۋ ورىندارىندا ءبىلىم الىپ، ساپالى بىلىممەن قامتىلۋدا.
بيىلعى تۇلەكتەردىڭ ىشىندە 13 وقۋشى «التىن بەلگى» بەلگىسىنە يە بولدى، 15ء-ى ۇزدىك اتتەستات الدى، ۇلتتىق ءبىرىڭعاي تەستىلەۋدەگى ەڭ جوعارى ناتيجە 131 بالل بولدى، ال 19 تۇلەك كوللەدجدىڭ ۇزدىك ديپلومىنا يە بولدى.
«جارقىن بولاشاق» باعدارلاماسى جاڭاوزەن قالاسى مەن ماڭعىستاۋ وبلىسىنىڭ بەس اۋدانىنداعى جوعارى سىنىپ وقۋشىلارىن قامتيدى. ول جاستاردى جان-جاقتى قولداۋعا باعىتتالعان: ماماندىق تاڭداۋدان باستاپ جاڭا ءبىلىم بەرۋ جانە كاسىبي ورتاعا بەيىمدەلۋگە دەيىن.
قمگ تاراپىنان قولداۋ وقۋ اقىسىن، تۇرۋدى، كولىك شىعىندارىن، ستيپەنديا مەن تاماقتانۋدى تولەۋدى قامتيدى. ماڭعىستاۋ وبلىسىنان شىققان «جارقىن بولاشاق» باعدارلاماسىنىڭ تۇلەكتەرى بۇگىندە قازاقستاننىڭ جەتەكشى جوعارى وقۋ ورىندارىندا ءبىلىمىن جالعاستىرۋدا.