قازاقستانداعى 11 اۆتوزاۋىت جاساندى ينتەللەكتتىڭ باقىلاۋىنا كوشتى. جۇيە قاۋىپسىزدىك پەن قۇراستىرۋ ساپاسىن قاداعالاپ، توتەنشە جاعدايلاردىڭ الدىن الادى. بۇل تۋرالى ونەركاسىپ جانە قۇرىلىس ءمينيسترى ەرسايىن ناعاسپايەۆ ۇكىمەتتىڭ اپتالىق وتىرىسىندا مالىمدەدى، دەپ حابارلايدى infohub.kz.
ءمينيستردىڭ ايتۋىنشا، ەلىمىزدە جەڭىل كولىك، اۆتوبۋس، جۇك جانە ارنايى تەحنيكا شىعاراتىن 11 كاسىپورىن بار. «مەملەكەت باسشىسىنىڭ تاپسىرماسىنا سايكەس، بۇل كاسىپورىنداردا جاساندى ينتەللەكت جانە سيفرلىق تەحنولوگيالاردى ەنگىزۋ جۇمىستارى جۇرگىزىلۋدە»، – دەدى ناعاسپايەۆ.
قازاقستاندا وندىرىستەردەگى قاۋىپسىزدىكتى باسقارۋعا ارنالعان جاساندى ينتەللەكت نەگىزىندەگى جاعدايلىق ورتالىق قۇرىلدى. ول تاۋەكەلدەردى، توتەنشە جاعدايلار مەن اۋىتقۋلاردى انىقتاۋعا جانە ولاردى جويۋ شارالارىن قابىلداۋعا مۇمكىندىك بەرەدى. «ينتەللەكتۋالدى پلاتفورما بەينەباقىلاۋ كامەرالارىنان، سەنسورلاردان جانە اقپاراتتىق جۇيەلەردەن كەلىپ تۇسەتىن دەرەكتەردى تالدايدى»، – دەپ قوستى مينيستر.
سونىمەن قاتار، اۆتوزاۋىتتاردا دانەكەرلەۋ جۇمىستارىنىڭ ساپاسىن باقىلايتىن اناليتيكالىق جۇيەلەر قولدانىلا باستادى. بۇعان دەيىن قازاقستاننىڭ ءوز اۆتوموبيل ونەركاسىبىن قالاي دامىتىپ جاتقانى حابارلانعان بولاتىن.